Novosibirdiń Tolmachev áýejaıynda bir qanaty julynyp ketken ushaq tur dep habarlaıdy «Adyrna» ulttyq portaly «Taıga.ınfo» aqparat agenttigine silteme jasap.
Ushaqtyń belinde Kazakhstan Air Force degen jazýy bar. Qazaqshaǵa aýdarsaq, bul jazý Qazaqstan áskerı áýe kúshterine tıesili ekenin ańǵartady. Boeing 757−200 áýe kemesiniń sol jaq qanaty julynyp ketken jáne bul ushaq qaıdan kelgeni de ázirge belgisiz. Sonymen qatar ushaqtyń qanaty neden julynǵany týraly da naqty aqparat joq. UP-B5701 nómirli ushaqty Flightradar24 bazasynda teksertý barysynda rasymen de bul áýe kemesi Qazaqstanǵa tıesili ekeni anyqtaldy.
Qorǵanys mınıstrligi ushaqqa qatysty aqparatqa qatysty túsinik berip, ushaqty jóndneý jumysy júrip jatqanyn habarlady.
"Qazaqstannyń áskerı-áýe kúshteriniń ushaǵy Reseıdiń Novosibir qalasynda "OO S-7 INJINIRING"-te josparly tehnıkalyq qyzmet kórsetýden ótip jatyr. Jóndeý jumystary kezinde fıýzelıaj bólikteri men agregattary alynǵan. Bul sensaııalyq jaǵdaı emes," - delingen habarlamada.
