Bügın Qazaq radiosynan künı boiy Şämşı änderı berıledı (video)

Bügın qazaq än önerınıŋ negızın saluşylardyŋ bırı, Qazaqstannyŋ halyq ärtısı Şämşı Qaldaiaqovtyŋ tuǧanyna — 90 jyl. Toqsan jyldyq torqaly toidyŋ tartuyna bügın künı boiy Qazaq radiosynyŋ äue tolqynynan "Än aǧanyŋ" äuezdı änderı berılmek. Būl turaly Qazaq radiolary JŞS Bas redaktory—"Qazaq radiosy" radioarnasynyŋ direktory Dulat Abibullaev facebook-tegı paraqşasynda jazdy. "Kompozitor ruhyna taǧzym retınde taŋnan keşke deiın efirden tek Şämşı Qaldaiaqovtyŋ tuyndylary är kezeŋdegı änşılerınıŋ oryndauynda berılmek. Sondai-aq, bügın tyŋdarman nazaryna Şämşı Qaldaiaqovtyŋ Qazaq radiosynyŋ Altyn qoryna 1991 jyly jazyp alynǧan soŋǧy sūqbaty men 1975 jyly üntaspaǧa tüsken Äbılahat Espaev jaily jürekjardy lebızı qamtylǧan Arnaiy habarlar ūsynylady",—delıngen aqparatta. "Qazaq valsınıŋ korolı" 40 jyldan astam şyǧarmaşylyq jolynda jüzdegen muzykalyq tuyndy jazǧan. Onyŋ öz qolymen tüsırgen notalyq partituralary Qazaq radiosynyŋ «Altyn qorynda» älı künge deiın saqtalǧan. Alǧaş ret "Aqmaŋdailym" änı radionyŋ üntaspasyna 1959 jyly jazyp alynǧan eken. https://www.youtube.com/watch?v=Hsj9a4-Oq4c&feature=youtu.be