Qytaı basshysy Sı zınpın alǵashqy bolyp Aleksandr Lýkashenkony prezıdenttik saılaýdaǵy jeńisimen quttyqtady.
«Qytaı úkimeti men qytaı halqynyń atynan, sondaı-aq jeke ózimniń tarapymnan quttyqtaýlar men izgi tilekterimdi bildirgim keledi. Belarýs memleketi sizdiń basshylyǵyńyzben tamasha jetistikterge jetetinine senimdimin », - delingen jedelhatta.
QHR prezıdenti Qytaı-Belarýs qatynastaryn damytýǵa úlken mán beretinin, ári Lýkashenko ekeýiniń arasyndaǵy jeke dostyqty baǵalaıtynyn jetkizdi.
Osyǵan deıin Lýkashenko óz halqyna joldaǵan úndeýinde QHR-men dostyq qarym-qatynasta ekenin erekshe atap ótken edi.
«Belarýs memleketi - Eýrazııa ortalyǵyndaǵy jalǵyz tynysh jer. Reseı bizdi odaqtas retinde joǵaltyp alýdan qorqady, al Eýropa óz qyzyǵýshylyǵyn tanytyp otyr. Qytaı elimizdi óziniń dosy dep sanaıdy», - dedi sol kezde el prezıdenti.
Bul úndeýden keıin eki memleket arasyndaǵy qatynastardyń nyǵaıýyna nazar aýdaryldy.
OAK-tyń 10 tamyzda shyqqan aldyn-ala málimetteri boıynsha, qazirgi prezıdent Lýkashenko 80,23%, onyń basty qarsylasy Svetlana Tıhanovskaıa 9,90% daýys jınady.
«Lýkashenko qytaılyqtarǵa únemi taǵzym etedi. Onyń túsinigi boıynsha Qytaı Reseıden góri úlken derjava»
Ekonomıka joǵary mektebi, álemdik ekonomıka jáne halyqaralyq qatynastar fakýltetiniń doenti Andreı Sýzdalev lenta.ru-ǵa bergen suhbatynda «Belarýs memleketi Reseıdi Qytaıǵa almastyrýǵa tyrysyp jatyr»,- dep habarlady. Onyń aıtýynsha, qazirgi tańda Belarýs Qytaı eline qyzyǵýshylyq tanytyp otyr. Sondaı-aq, sarapshy Qytaıdyń eshqashan búkil elge tehnıkalyq qyzmet kórsetpeıtinin atap ótti.
Al Azııa-Tynyq muhıty aımaǵy zertteý ortalyǵynyń jetekshisi Aleksandr Lomanov gazeta.ru saıtyna bergen suhbatynda QHR Belarýs elin úlgili seriktes bolǵany úshin tańdaǵanyn aıtty.
Onyń pikirinshe, bul Qytaı tarapynan jasalǵan óte saýatty strategııa bolyp sanalady, óıtkeni Belarýs Pekınge bilikti jumysshylardy usyna alady, ári bul memleket Reseı jáne Shyǵys Eýropa elderine jaqyn ornalasqan. Seriktes bolý arqyly Qytaı óz taýarlaryn jáne ınvestıııalyq jobalaryn alǵa jyljytady.
Lýkashenko otandastaryna jasaǵan úndeýinde Reseı Federaııasynyń baýyrlastyq qatynastardy seriktestikke ózgertkenin de atap ótti. Sýzdalev aıtqandaı, Lýkashenko birneshe ret Reseı men Qytaı arasyn arandatýǵa tyrysty. Basshy Beıjińge Máskeý týraly birneshe ret shaǵymdandy. Biraq Reseı Federaııasy da, QHR da mundaı áreketterdi qoldamady.
«Lýkashenko Máskeýden qarjylyq kómek alý úshin eldi bopsalaýǵa tyrysýda», - dedi Sýzdalev.
Qytaı memleketi Belarýske qarjylyq kómek kórsetti
Lýkashenko jýrnalıst Dmıtrıı Gordonǵa bergen suhbatynda
«Men Sı zınpınmen kezdesýdemin. Ol tóraǵa bolmaǵan kezdiń ózinde de biz jaqsy qarym-qatynasta boldyq. Qytaı basshysy «Aleksandr Grıgorevıch, eger siz Qytaıdyń qarýyna rıza bolsańyz, biz sizge kómektesemiz»,-dedi. Alaıda men ony jasaýǵa qarajatym joq ekenin jetkizdim. Sı zınpın menen qansha qarjy qajet ekenin surady. Men somany atadym, ol bóldi. Osylaısha biz óz raketamyzdy jasadyq », - dep habarlady. Bul vıdeo jýrnalıstiń YouTube kanalynda jarııalandy.
Aleksandr Lomanovtyń aıtýynsha, Qytaı mundaı seriktesti eń aldymen óz bedeli úshin jasady.
«Qytaı bul yntymaqtastyqtan kóp aqsha almasa da, qytaı qarýy postkeńestik respýblıkalardyń naryǵyna endi. Ol Reseı men Eýropanyń túıisken jerinde satylady. Bul Qytaıdyń bolashaqta damýy úshin óte mańyzdy», - dep atap ótti sarapshy.
Esterińizge sala ketsek, bul Qytaıdyń Belarýske qarjylyq kómek kórsetip otyrǵan alǵashqy jaǵdaıy emes.
Ótken jyldyń jeltoqsan aıynda Mınsk Pekınmen 500 mıllıon dollar nesıe týraly kelisken bolatyn. Belarýs Qarjy mınıstrliginiń habarlamasynda alynǵan qarajatty kez kelgen maqsatta paıdalanýǵa bolatyny aıtyldy.
Al buǵan deıin Mınsk Máskeýden dál osyndaı nesıe alýdy josparlaǵan edi. Reseı prezıdentiniń baspasóz hatshysy Dmıtrıı Peskovtyń aıtýynsha, osy másele kelissózderdiń kún tártibinde boldy jáne Lýkashenko men Reseı prezıdenti Vladımır Pýtınniń kezdesýinde talqylandy. Sáýir aıynda reseılik tarap Belarýske memlekettik nesıe berýge daıyn ekendigin jarııalady, alaıda qazan aıynda Mınsk qaryz almaıtynyn málimdegen bolatyn.
Dıana ASAN,
«Adyrna» ulttyq portaly
