Reseı prezıdenti Vladımır Pýtın Belarýste taktıkalyq ıadrolyq qarýdy saqtaıtyn arnaıy qoımanyń qurylysy 1 shildege deıin aıaqtalatynyn aıtty. Bul týraly ol e "Rossııa 24" telearnasyna bergen suhbatynda aıtty, dep habarlaıdy “Adyrna” ulttyq portaly.
"3 sáýirden bastap ekıpajdardy oqytýdy bastaımyz. Al 1 shildede aýmaqta taktıkalyq ıadrolyq qarýdy saqtaıtyn arnaıy qoımanyń qurylysyn aıaqtaımyz", - dedi Pýtın.
Sondaı-aq, onda strategııalyq shabýyl qarýlaryn odan ári qysqartý jáne shekteý jónindegi sharalar týraly shart (START, START-III) boıynsha mindettemelerdi buzbaı, taktıkalyq ıadrolyq qarý ornalastyrylatyny atap ótildi.
Pýtın mundaı qadamǵa Ulybrıtanııanyń Ýkraınaǵa taýsylǵan ýrany bar oq-dárilerdi jetkizý týraly málimdemesi sebep bolǵanyn aıtty. Odan bólek, Belarýs Reseıdiń ıadrolyq qarýyn óz aýmaǵynda ornalastyrýdy burynnan suraǵanyn atap ótip, Máskeý Amerıka Qurama Shtattarynyń ondaǵan jyldar boıy istep kele jatqanyna jaýa bergenin jetkizdi.
