Jylamaı qaraý, tebirenbeı tyńdaý múmkin emes

Bul týyndynyń mýzyka avtory – tanymal kompozıtor Renat Ǵaısın, sóziniń avtorlary – Danııar Aldabergen jáne Oral Baıseńgir.

Pikir jazǵan adamdardyń barlyǵy derlik Dımashqa degen shyn tańdanystaryn, alǵystaryn bildirip jatyr. Kópshiligi bul klıpti birneshe ret qaıtalap qaraǵandaryn jáne  bul týyndyny jan dúnıeń tebirenbeı, tańǵalmaı, tańdanbaı, tańdaı qaqpaı, bas shaıqamaı, shyǵarmashylyq toptyń sheberligine, Dımashtyń talantyna bas ımeı, beı-jaı qaraý múmkin emes dep jazýda. Bir qatar pikir ıeleri, tipti kóz jastaryn toqtata almaǵandaryn da, tipti jylamaı qaraý múmkin emes ekenidigin de moıyndaýda. Ásirese, Dımashtyń otqa ornaǵan kezin kórgende, onyń óz eli úshin, tipti búkil adamzat úshin janynyń  qalaı qınalyp júrgenin, qanshama beıkúná jannyń mezgilsiz ómirden ótkenine bar jan-dúnıesimen qaıǵyra biletindigin baıqaýǵa bolady dep jazýda pikir ıeleri. Qanshama kóp pikir jazylǵanmen, barlyǵynyń aıtar oılary mazmundas. Barlyǵy derlik Dmashtyń talantyna tańdaı qaǵyp, oǵan alǵys bildirip, klıptiń túsirilýine at salysqan barlyq azamattyń eńbekterin óte joǵary baǵalap jatyr. Keıbir pikirlerdi nazarlaryńyzǵa usynamyz.

«Iá, Dımash sen aýqymdy, tereń oılanasyń, seni búkil Jer sharynyń máseleleri alańdatady. Sen osy  tilek -  ánińmen adamgershilikke, beıbitshilikti oılaýǵa, soǵystyń bolmaýyna shaqyrasyń. Jer ábden sharshady, onyń da jany bar, rasymen de onyń júregi soǵyp turǵanda, biz ony saqtap qala alamyz ba, ár úıde rasymen de qýanysh pen shat kúlki bola ma, munyń bári ózimizge baılanysty. Soǵys órtin óshirý úshin, Sen tipti aspandy da óz áreketińe demeý berýge shaqyrasyń. Qasqyrdyń kózqarasy sharshańqy, ol adal ań, bul múmkin óz isterińe degen adaldyqqa shaqyrý bolar, al erkindiktegi qus, bul jarqyn bolashaqqa degen úmit bolar. Al ulttyq mýzykalyq aspaptar, ol endi máńgilik dúnıe, ol bul dúnıede bar ekendigińniń mánisi, jastar ózderiniń shyqqan – tegin, túp-tamyryn, óz tilin, óz salt-dástúrlerin umytpaý úshin kerek, bul barlyq ulttarǵa qatysty. Keremet, áserli oryndaý, sen barlyǵyn ózińniń jan-dúnıeń arqyly ótkizetindigiń, alańdaıtynyń, janyń ashyıtyny seziledi. Áli de kesh bolmaı turǵanda oılaný úshin, adamzatqa aıtylǵan tilek. Keremet jumys, quttyqtaımyn. Klıp, sýper!!!» , degen pikirmen bólisipti bir tyńdaýshy.

«Dımash, sen bizdiń elimizdiń jaryq sáýlesi ispettisiń, sen bizdiń balalarymyz úshin  jarqyn bolashaqqa úmit beresiń. Rahmet, baýyrym», degen júrek jardy tilegin qaldyrypty Erbol esimdi azamat.

«Meniń ultym orys jáne qazaq tilin bilmeımin, biraq Dımash jan- júregimen oryndaıdy. Sondyqtan eshqandaı da aýdarmanyń keregi joq, janyńdy dirildetedi, kózińe jas keledi, tamaǵyńa óksik tyǵylady. Bul barlyǵymyz týraly, barsha jer álem týraly. Qazaqstan ba, Reseı ma nemese bizdiń jer sharymyzdyń kez-kelgen bólshegi ma, ol mańyzdy emes. Bravo, Maestro. Bizben ózińniń talantyńmen jáne  jan-dúnıeńmen bóliskeniń úshin raqmet saǵan»., degen pikir jazypty Irına esimdi tyńdaýshy.

«Ekinshi kún  án áýeni men Dımashtyń daýysy qulaǵymda tur jańǵyryp. Al árbir qaraýym –kóz jasymsyz bolmaıdy...», deıdi taǵy bir pikir ıesi.

Al DimashNews resmı saıtynda osy «Qaıran elim» áni týraly, onyń ómirge qalaı kelgendigi týraly tolyq aqparat berilgen.

«Mazmuny tereń, tragedııa men úmiti qatar, júrekti terber emoııaǵa toly mýzykalyq kompozıııa... «Qaıran elim» áni Dımashtyń júreginen ótkizgen ýaıymy, Otany men álemge degen alańdaýshyǵynan týyndaǵan tilegi ispetti. Negizinen, shyǵarma taqyrybyna mıllıondaǵan álem turǵyndarynyń ómirin jalmaǵan, koronavırýs indeti arqaý bolǵan», delingen saıtta.

«Qaıran elim» adamzatqa jasalǵan úndeý ispetti, qorqynyshty jaıtqa qaramastan, jaqsylyqtan úmitimizdiń baryn uǵyndyrý. Barlyq aýyrtpalyqty eńseretinimizge sendirgimiz keledi. Dál qazirgi tańda eń bastysy – myqty bolýymyz kerek», - deıdi Renat Gaısın men Dımash Qudaıbergen.

Sonyme birge, qobyzynyń qońyr únimen beınege erekshe reń syılaǵan mýzykant Oljas Qurmanbektiń eńbegin aıtpaı ketýge bolmas.

«...Avtory men Dımashtyń ótinishi boıynsha kompozıııany qobyz aspabynda oınaýdan bastadyq. Men muńly áýendi oınap bastadym, nátıjesinde rasymen de, ádemi, jańa týyndy jasap shyǵarǵan sııaqtymyz.Men bul jobadan erekshe áser aldym. Men úshin úlken tájirıbe. Shyǵarma kópshiliktiń kóńilinen shyǵady degen úmittemin», - deıdi Qobyzshy Oljas Qurmanbek.

Vızajıst Sandı Beksyrǵa bolsa túsirý kezindegi sátti kúlip eske alady: « Bilesiz be, túsirý jumystary kezinde tabıǵattyń sulýlyǵyna tamsandyq. Alataý men kólderdiń ásemdigin sózben jetkizý múmkin emes. Tabıǵattyń ózi Dımashty jaqsy kóretin sekildi. Samal jel soǵyp, aǵashtan ushqan ulpalar áýenniń yrǵaǵymen sý betine qonyp jatty. Bul rasymen de tamsandyrmaı qoımaıtyn sulýlyq!».

Materıaldyń tolyq nusqasyn silteme arqyly DimashNews resmı saıtynda oqı alasyzdar.

Dımashtyń