Abaı aýdanyndaǵy 8 nysanda aýyz sý júıesiniń qurylysy júrip jatyr

635

Shymkent qalasynda Abaı aýdanyndaǵy 5 turǵyn alap pen 2 shaǵyn aýdandy sapaly aýyz sýmen qamtamasyz etý maqsatynda qurylys jumystary júrip jatyr.

Sondaı-aq, Jıdelibaısyn men Gagarın kósheleriniń qıylysynan Kókbulaq turǵyn alabyna deıingi 28,3 shaqyrymdy quraıtyn magıstraldy sý júıesiniń qurylysy da kestege sáıkes atqarylýda.
Qazirgi tańda Abaı aýdanynyń 78,5 paıyzy aýyz sýmen qamtylǵan. Atalǵan qurylys jumystary aıaqtalǵan jaǵdaıda aýdanda aýyz sýmen qamtylatyn eldimekender sany 31-ge jetip, 87 paıyzdy quraıtyn bolady.
Jyl sońynda Jańatalap, Igilik, Qyzyljar, Táýelsizdikke - 20 jyl, Kókbulak turǵyn alabyndaǵy 3500-ge jýyq otbasy sapaly aýyz sýǵa qol jetkizedi. Merdiger kompanııalar qurylys jumystaryn qarqyndy júrgizip jatyr.

Yntymaq-2 jáne Batys shaǵynaýdanynda júrgizilip jatqan qurylys jumystary kelesi jyly aıaqtalady. Osy maqsatta bıyl bıýdjetten 280 mıllıon teńge qarjy bólingen.
Sonymen qatar, Soltústik saıajaı shaǵyn aýdanyn aýyz sýmen qamtý jumystaryna JSQ daıyndalǵan, al Aqtas turǵyn alabyna tirshilik nárin jetkizý úshin JSQ daıyndalý ústinde.
Buan bólek, Qursaı shaǵyn aýdany (magıstraldy jáne ishki júıeler qurylysy), Qyzyljar jáne Yntymaq shaǵyn aýdandaryn aýyz sýmen qamtý josparlanyp otyr.

Shymkent qalasy ákiminiń baspasóz qyzmeti

Pikirler
Redakııa tańdaýy