Shymkent qalasy ákiminiń birinshi orynbasary Shyńǵys Muqan alǵashqy jumys kúnin aıaqtap, aldaǵy josparlarymen bólisti. Facebook áleýmettik jelisinde +77007007091 qyzmettik nómirin qaldyrǵan ol, asa mańyzdy suraqtardy tikeleı ózine jazýǵa bolatynyn eskertti.
"Ardaqty aǵaıyn!
Búgin alǵashqy jumys kúnim aıaqtaldy. Quttyqtaýlaryńyzǵa raqmet.
Memlekettik qyzmetten tys júrip te memleketke qyzmet etýge bolady. Osy oıǵa bekinip, memqyzmetten qashqaqtap júr edim.
Sońǵy aıda kórgen indet oıymdy biraz ózgertti.
Shymkent qalasynyń ákimi Murat Áıtenov ótken aptada usynys jasady. Biraz sóılestik. Buryn syrtynan ǵana tanýshy edim. Usynysqa tańǵaldym. Oǵan oıyn ashyq aıtyp júrgen mennen góri, burynnan tanıtyn, ıaǵnı senimdi adam qolaıly emes pe dep oıladym. Biraz sóılesken soń Áıtenov myrzanyń Shymkentke baryn salyp adal qyzmet etkisi keletinin sezdim.
Endi ne istemekpin?
Birinshiden, densaýlaq saqtaý salasy. Adam qolyn kesip alsa, ol jerge sý jınalyp, jara paıda bolady. Sebebi adam aǵzasynyń jasýshalary jarany jazýǵa jınalady. Qazir sondaı jaǵdaı. Qalanyń búkil kúsh-qýaty jarany jazýǵa jumyldyrylyp jatyr.
Ekinshiden, bilim salasy. Qarapaıym ata-ana retinde ótken oqý jylyn áýpirimdep ótkerdik. Ata-analarǵa da, muǵalimderge de ońaı bolǵan joq. Jańa oqý jyly da ońaı bolmaıdy. Degenmen onlaın mekteptiń sapasy túspeýge tıis.
Úshinshiden, kommýnıkaııa. Ár istiń tabystylyǵy 55% kommýnıkaııaǵa baılanysty. Kóldeneń kommýnıkaııa eshqashan qıyn bolǵan emes. Áńgime tik, ıaǵnı tómennen joǵaryǵa, joǵarydan tómenge júretin kommýnıkaııa. Sondyqtan, baılanystyń dástúrli túrine qosa, ózimniń qyzmettik WhatsApp nómirime (+77007007091) asa mańyzdy suraǵy bar adam tikeleı jazyp jiberińiz.
Tórtinshi, mádenıet. Kompanııalarda "korporatıvtik mádenıet" degen túsinik bar. Ony qalyptastyrýǵa uzaq ýaqyt kerek. Eger qalyptassa, ol kompanııany kelip-ketetin basshylar emes, mádenıet basqarady. Sondyqtan, mádenıet degende tek óner men mýzykany meńzep turǵanym joq. Sol sııaqty jaqsy qundylyqtardan bastaý alatyn shymkenttik mádenıetti ary qaraı ornyqtyrý.
Besinshi, birlik. Qazaqstandaǵy áralýandyq (til, din, etnos, mártebe, kózqaras) alaýyzdyqqa emes, aýyzbirshilikke sebep bolardaı úılesim tabý. Bir tústi gúlden, túrli tústi gúlden jasalǵan gúlshoǵy ádemi. Áralýandyq degen - baılyq, ásemdik, ádemilik. Qandaı ólshem boıynsha áralýan bolsaq ta, maqsat bir bolsa, birlik bolady. Ol maqsat, menińshe, Qazaqstannyń bolashaǵy, elimizdi damyǵan memleketke aınaldyrý.
Altynshy, jastar. Ne shyqsa da jastardan shyǵady. Jastarǵa jańa kásip úıretip, jigerlendirip, jańa órister ashý. Jastardy qýattandyrý da basty basty mindetim bolmaq.
Jetinshi, qalanyń damýyna halyqty qatystyrý (public engagement). Halyq ákimdik pen máslıhat qabyldaıtyn mańyzdy sheshimderde óziniń qatysy baryn sezinýi tıis. Úkimettik emes uıymdar osy jumysta bastamashyldyq tanytqany jón. Túptep kelgende qoǵamdyq uıymdar memlekettik organdar atqaryp otyrǵan fýnkııanyń birqataryn ózderi atqaratyn jaǵdaıǵa jetýi tıis.
Segizinshi, senim. Osy jumystyń barlyǵyn atqarý úshin halyqtyń senimi qajet. Senimniń formýlasy ádil sheshim men adal eńbek. Senimge selkeý túsiretin kóp faktordyń biri sybaılas jemqorlyq. Bul da bir vırýs. Onymen ár azamat koronavırýspen kúreskendeı kúresse ǵana jeńbek. Ózim basqaratyn áleýmettik sala qyzmetkerlerin taza jumys isteýge, búginimizge emes, bolashaǵymyzǵa qyzmet etýge shaqyramyn. Barlyq áriptesterim qoldaıdy dep oılaımyn.
Meniń aldymda turǵan mindettiń birqatary osy," - dedi qala ákiminiń orynbasary.
"Adyrna" ulttyq portaly
