«Zeinetaqy qoryndaǧy aqşamyzdy tügel qaitaryp aluǧa bolady»,- deidı zaŋger Süleimenov

Bıraz uaqyttan berı Qazaqstan Zeinetaqy qoryndaǧy (BJZQ) bylyq- şylyqtyŋ betın aşyp, igerılgen qarajattardyŋ zaŋdyq jaǧyn jıtı tekserıp jürgen zaŋger Jangeldı SÜLEIMENOV «BJZQ basqarma basşysyn jūmystan quu kerek» dep mälımdedı. Zeinetaqy qorynyŋ basqarma basşysy Mäulen ÖTEǦŪLOVQA resmi saual joldaǧan zaŋger öz sūraqtarynyŋ tek ekeuıne ǧana jauap alǧanyn aita kelıp: «BJZQ-da därethana qaǧazyn paidalanudyŋ özındık normativterı bar eken! Sol sebeptı de Ortalyq apparattaǧy 434 qyzmetker üşın 24 000 (!) buma därethana qaǧazy satyp alynǧan. Eseptep şyqtyq, 24000dy bır jyldaǧy jūmys künderınıŋ sanyna böldık. Bır jylda  249 kün bar. Demek, bır künde 96,Z buma därethana qaǧazy paidalanylady eken. Är bumada 23 metr, demek, BJZQ qyzmetkerlerı bır künde 2214 metr, nemese är adam künıne 5.1 metr därethana qaǧazyn paidalandy eken. Jūmys ornynda. Ärine, eger qyzmetkerler kün saiyn jūmysqa tügel kelse. Auyryp, sūranyp, ıssapar siiaqty sebeptermen jūmysqa kelmei qalǧandary bolsa, onda är adam 6 metrge deiın paidalanady», dep jazady Jangeldı Süleimenov özınıŋ äleumettık jelıdegı paraqşasynda. Zaŋger jauabyn alǧan ekınşı sūraq BJZQ-daǧy jarnama men marketingke jūmsalǧan qarajat esebı eken. «Deloit qatelesıp ketken siiaqty, sodan qate aqpar körsetılgen degen syŋaida jauap berıptı. Basqarma basşysynyŋ sözıne sensek, 277 mln tenge «Aqparattyq qyzmetter» bolyp jazylyp ketıptı mıs. Būlai boluy mümkın emes! Deloit şyǧyn ataularyn şatystyryp jaza almaidy.  Özgerttı degen künnıŋ özınde  būl zaŋ būzuşylyq bolyp tabylady. Olai bolsa, BJZQ mūndai qarjy esebın qabyldamauǧa tiıs edı ǧoi?! Al eŋ bastysy, 2018 jyly Mäulen Öteǧūlov şamamen 27 mln teŋge jalaqy alǧan. Zaŋsyz audittı 43 mln teŋgege qabyldap alǧan. Būl aqşanyŋ barlyǧy aspannan jauǧan joq qoi, halyqtyŋ, sız ben bızdıŋ aqşamyz! Olai bolsa, Öteǧūlov halyqqa myna milliondar üşın resmi esep beruı kerek» degen Süleimenovtıŋ BJZQ-daǧy basqa da mäseleler boiynşa sūraǧyn tızıp şyqty:

1. 5000 teŋgelık jūmys däpterın ne üşın satyp aldyŋyzdar?
2. basşylyqqa ne sebeptı 2018 jyly ai saiyn 2.2. mln. teŋge, al qyzmetkerlerge 400 000 teŋgeden jalaqy berıldı?
3. 2018 jylǧy qarjy esebındegı 306 mln. teŋge dep körsetılgen basqa da şyǧyndarǧa ne jatady?
4. ne sebeptı 2018 jyly BJZQ auditorlyq eseptıŋ ornyna auditorlyq qorytyndyny qabyldap aldy? god auditorskoe zakliuchenie?
5. Nelıkten BJZQ aktiv auditınıŋ orynan aktivterdıŋ audit jüiesın satyp aldy?

6. Ortalyq apparattaǧy qyzmetkerler sany nege sonşa köp? 434 adam Oratalyq appparat üşın tym köp emes pe?

10 548 910 zeinetaqy qoryna ai saiyn jarna tölep otyrǧan qazaqstandyqtar osy sūraqtyŋ naqty jauabyn kütemız!» degen zaŋger: «Eger zaŋdy türde talap etsek, halyq bolyp tūtasyp talap etsek, zeinetaqy qoryndaǧy aqşamyzdy tügel qaitaryp ala alamyz. Būl üşın bar bolǧany bırlese otyryp, talap etu», -deidı. Pandemiia kezınde zeinetaqy qoryndaǧy aqşasy esıne tüspegen qazaqstandyq kemde kem. Öitkenı köbı jūmyssyz, tabyssyz qaldy. Ükımet beretın 42500 teŋgenı bırı alsa, bırı almady. Sondai qinalǧan şaqta «zeinetaqy qoryndaǧy öz aqşamyzdy bersın» dep auyq auyq halyq tarapynan ūsynys bolǧany este. Alaida būl joly da BJZQdan bır tiyndy kerı şyǧaryp alu mümkın emesın, ol aqşalar bolaşaq üşın ekenın aityp resmi bilık halyqtyŋ ümıt otyn söndırdı. Bolatyn bolaşaq pa, bolmaityn bolaşaq pa, belgısız. Alaida karantin onsyz da qinalǧan halyqtyŋ qos büiırın qysyp, künkörısın tıptı tömendetıp jıbergenı şyndyq. Bälkım, bilık basyndaǧylar aşyǧa bastaǧan halqyn aman saqtau üşın BJZQ jaqqa nazaryn bır audaryp, oilanyp körer, kım bılsın?

Meruert HUSAİNOVA,

«Adyrna» ūlttyq portaly.