Búgin Lázzat Asanovanyń týǵan kúni!

7542
Adyrna.kz Telegram

"Qazaqtaı keńpeıil halyqqa Táýelsiz memleket degen ataq pen abyroı alyp beremiz",-dep ultjandy jastar órimdeı ómirlerin qurban etti. Sol jastardyń ata-anasy áli kúnge deıin qan jutyp, ul-qyzynyń tiri kúnin kermek saǵynyshpen eske alýda. Alaıda bizdiń jeltoqsan oqıǵasyn 16 jeltoqsanda ǵana eske túsiretinimiz qıyn-aq..

Dál búgin 27-shilde kúni kózi tiri bolǵanda qazaqtyń ójet te batyr qyzy, jeltoqsan qurbany, «halyq qaharmany» ataǵyn memleket bermese de halqy bergen Lázzat Asanova 50 jasqa tolar edi. Soǵan oraı«Adyrna» ulttyq portalynyń jýrnalısteri Lázzat Asanovanyń anasy Altynaı Asanovamen birge alańǵa baryp, jeti shelpek taratyp, gúl shoqtaryn qoıyp ketti.

Altynaı Asanova tereń kúrsinispen «Búgin qyzymnyń 50 jyldyǵymen eshkim quttyqtap habarlasqan da, alańǵa baryp gúl shoqtaryn qoıǵan da joq. Tipten jeltoqsandyqtardyń bireýi kelmedi..» dedi. Biz de bir kúrsinip aldyq. Iá, jyldar jyljyp ótkenimen jeltoqsan jarasy júrekten eshqashan ketpeıdi eken...

 

 

"Adyrna" ulttyq portaly

Pikirler