Balqaşta polisiia qyzmetkerı kämeletke tolmaǧan qyzdy zorlady degen küdıkpen ūstaldy. Būl turaly Facebook-tegı paraqşasynda QR Işkı ıster ministrınıŋ baspasöz hatşysy Äigerım Urazalieva mälımdedı.
Belgılı qūqyq qorǧauşy jäne NeMolchi.kz qoǧamdyq qorynyŋ negızın qalauşy Dina Smailova ūiymnyŋ Facebook-tegı paraqşasynda habarlama jariialady, onda ol Qaraǧandy oblysynyŋ polisiia departamentınıŋ basşysyna jeke baqylauǧa alu jäne polisiiany küdıktı retınde jauapqa tartu turaly ötınışpen jügındı. Dina Smailova sonymen bırge tergeu nätijelerın köpşılıkke jariialaudy talap ettı.
Smailovanyŋ aituynşa, oqiǧa şılde aiynyŋ basynda bolǧan. Qylmysqa küdıktı polisiia qyzmetkerı özınıŋ qyzmettık jaǧdaiyn paidalanyp, kämeletke tolmaǧan siaajaidaǧy körşısın qorqytyp, jynystyq qatynasqa tüsuge mäjbürlegen. Polisiia qyzmetkerı jäbırlenuşını marihuana şekkenı üşın qylmystyq aiyptaularmen qorqytqan.
«NeMolchi.kz» qoǧamdyq qory, Smailovanyŋ mälımdeuınşe, jäbırlenuşınıŋ küdıktı polisiia qyzmetkerımen WatsApp messendjerınde hat almasqany, dauystyq jazbalary, oqiǧa bolǧan künı podezd kameralarynan alynǧan beine jazbalar bar ekenın mälımdedı. Oqiǧadan bır apta ötkennen keiın qyz özınıŋ anasyna Balqaş polisiiasyna aryz jazbaqşy bolǧanyn, basynan ötken oqiǧa turaly aitty.
Polisiia qyzdyŋ anasyna öz qyzmetkerıne qarsy ıs qozǧai almaityndyqtaryn aityp, qūjattardy Qaraǧandy oblysy Polisiia departamentınıŋ ışkı qauıpsızdık basqarmasyna joldady. Bır kün ötken soŋ, zorlauǧa küdıktı polisiia qyzmetkerı qūqyq qorǧau organdarynan şyǧaryldy.
Oŋǧar Qabden,
"Adyrna" ūlttyq portaly
