Azat Peruaşev: Qanşama adamnyŋ ölımı «SQ-Farmasiia» men MÄMS qorynyŋ moinynda (video)

Bügın äleumettık jelıde Mäjılıs deputaty Azat Peruaşevtyŋ «SQ-Farmasiia» men MÄMS qoryna qatysty, olardyŋ şetelderden medisinalyq jabdyqtardy öz baǧasynan äldeneşe ese qymbatqa satyp alǧany turaly aitqan beinejazbasy jariia boldy. Bız partiianyŋ baspasöz qyzmetıne habarlasyp, atalǧan beinejazbaǧa qatysty aqparat sūradyq. Söitsek, bügın äleumettık jelıde QR Sybailas jemqorlyqqa qarsy küres agenttıgı ökılı men deputat Peruaşevtyŋ bırlesken tıkelei efirı bolǧan eken. Älgı 5 minutqa juyq video sol efirdıŋ üzındısı körınedı, – dep habarlaidy abai.kz. Onda «Aq jol» partiiasynyŋ töraǧasy Azat Tūrlybekūly «SQ-Farmasiia» men MÄMS qory jūmysyndaǧy bıraz bylyqty äşekerelep söileptı. Mıne, qaraŋyz: Azat Peruaşev: – 2012 jyldyŋ 12 mamyrynda «Aq jol» fraksiiasy Densaulyq saqtau jüiesı men onyŋ qūramyndaǧy vedomstvonyŋ «Densaulyq kodeksındegı» satyp alu jüiesıne engızgen özgerısterıne qarsy narazylyq joldaǧan edı. Bız Marşal araldarynan medikomentter men jabdyqtardy Qazaqstandaǧy jabdyqtar qūnynan 4 esege qymbatqa satyp alǧandar jönınde faktıler keltırdık. Būl mäselenı bız 2013 jyldyŋ 6 aqpanynda qaita köterdık. Al 2013 jyldyŋ 6 qaŋtary künı «Aq jol» fraksiiasy «SQ-Farmasiianyŋ» preparattardy öndıruşı baǧasynan, öndıruşınıŋ resmi saitynda körsetılgen baǧadan 3 ese qymbatqa satyp alǧany jönınde Bas prokurorǧa saual joldadyq. Būl – däl osy preparatty öndıruşıler, däl osy preparatty basqa elderge satqan baǧadan 5 esege qymbat soma! 2013 jyldyŋ 25 aqpany. Ükımet pen Bas prokuraturaǧa otandyq farmasevtikalyq kompaniialarǧa «SQ-Farmasiianyŋ» kedergı keltırıp otyrǧanyn aityp, saual joldadyq. Būl kompaniialar Qazaqstan naryǧyna kırgen, käsıpterın jolǧa qoiǧan kompaniialar edı. Ol jerde ūzyn-sonar sot prosessterı boldy. Sonyŋ nätijesınde sot jergılıktı därı-därmek öndırısınıŋ investorlaryna kedırgı keltırıp otyrǧany jönınde memlekettık organdarǧa resmi tüsınıkteme bergen. Osy kedergılerdıŋ kesırınen Qazaqstan naryǧyndaǧy otandyq därı-därmek öndırısınıŋ ülesı 30 paiyzǧa kemıgen. «Nege bız qarapaiym parasetamoldyŋ özın şetelden importtap otyrmyz», – degendı bügın jelılerden oqyp otyrmyz.. Mıne, osynyŋ barlyǧyna jaŋaǧy jaǧdailar sebep. Osynyŋ barlyǧyna «SQ-Famasiianyŋ» otandyq öndıruşılerdı şeteldık kompaniialar aldynda jyǧyp bergenı sebep. Jaraidy, būlar 2012-2013 jyldardaǧy mäseleler deiık. Mıne, jaqynda ǧana bolǧan jait. 16 şılde künı käsıpker Quanyş Kerımqūlov jazdy. Quanyş Qazaqstandaǧy alǧaşqy jeke klinika aşqan adam. Medsaqtandyru qory para alyp, stasionarlyq qyzmet körsetuge rūqsat beretın kelısımder jasaǧany turaly äleumettık jelıdegı jeke paraqşasynda jazdy. Onyŋ jazuynşa, medsaqtandyru qory 100 jäne odan da köp tösegı bar ärbır stasionarda ÖJJ (İVL) apparattaryn qosqanda tolyq jabdyqtalǧan 15 reanimasiialyq tösek boluy kerek degen standarttardy da elemegen. Demek, 100 jäne odan da köp tösegı bar ärbır stasionarda kem degende 15 ÖJJ (İVL) apparattary boluy kerek edı. Al mynau ındet kelgen kezde sol ÖJJ (İVL) apparattary bolmai şyqty ǧoi. Demek, qanşama adamnyŋ ölımı para üşın osyndai kelısımder jasaǧan osy qordyŋ moinynda degen söz! Men osy jazba jariialanǧan künı-aq, atalǧan faktı boiynşa Sybailas jemqorlyqqa qarsy küres agenttıgıne jügınu üşın, Densaulyq saqtau ministrlıgıne saual joldap, atalǧan standarttardyŋ bar-joǧyn sūradym. Eger bızge jaqyn arada, 10 künnıŋ ışınde jauap bermeitın bolsa, bız özımız Sybailas jemqorlyq agenttıgıne jügınetın bolamyz. Mıne, taǧy bır mysal. «Kapital plius» JŞS. Būl – Qazaqstanda ÖJJ (İVL) apparattaryn şyǧarumen ainalysatyn kompaniia. Olardyŋ ūsynyp otyrǧan baǧasy – 13 million teŋge. Tıptı, bızdıkıler halyqaralyq tehnikalyq talaptarǧa sai şyǧarylsa da, bızdıŋ Densaulyq saqtau ministrlıgı olardy soŋǧy uaqytqa deiın elemei, däl sondai apparattardy şetelden 30 millionǧa satyp alyp keldı. Iаǧni, būl aqşaǧa qazırgıden görı 2,5-3 esege artyq ÖJJ (İVL) apparattaryn aluǧa bolatyn edı. Mūndai mysaldar öte köp. Jäne bız osylardyŋ ärqaisysyna öz uaqytynda reaksiia bıldırıp keldık. Ärı qarai da solai bola bermek…   https://youtu.be/w1050mm1vKA