AQSh Memlekettik departamenti Sheshenstan basshysy Ramzan Qadyrovty qara tizimge aldy, dep habarlady Memlekettik hatshy Maık Pompeo. Bul týraly "Adyrna" "RIA Novostıge" silteme jasap, habarlaıdy.
«Bul Qadyrovtyń Sheshenstandaǵy adam quqyqtaryn óreskel buzý áreketine baılanysty. Bizdiń qolymyzda Qadyrovtyń ondaǵan jyldar boıy adam quqyǵyn óreskel buzýmen qatar, adamdardy óz betimen sotsyz jazalaǵany jóninde bultartpas derekter bar" dep málimdedi Pompeo.
Bul sheshim respýblıka basshysynyń áıeli Mednı Kadyrovaǵa jáne qyzdary Aıshat pen Karınaǵa (Hadıjat degen at alǵan) da qatysty.
Qara tizimge kirgen adamǵa AQSh-qa kirýge tyıym salynady.
Pompeo sonymen qatar aımaq basshysy koronavırýspen kúresý syltaýymen «Sheshenstandaǵy adam quqyǵyn odan ári buzýda» dep alańdaýshylyq bildirdi.
«Biz adam quqyqtaryna beı-jaı qaramaıtyn, kózqarasy birdeı elderdi osyndaı sharalardy qabyldaýǵa shaqyramyz» dedi Pompeo óz málimdemesinde.
Bul jaǵdaıǵa Syrtqy ister mınıstrliginiń ókili Marııa Zaharova túsinikteme berdi. Ol RIA Novostıge Vashıngtonǵa aınaǵa jaýap bergendeı jaýap berý qıyn bolatynyn, biraq «biz bir nárse oılastyramyz» dedi.
Buǵan deıin Qadyrov AQSh Qarjy mınıstrliginiń sankııalar tizimine engen bolatyn.
