Şymkent qalasynyŋ käsıpkerlerı koronaviruspen küres şaralaryna öz ülesterın qosyp otyr. Jomart jandar «Şymkent – qaiyrymdy qala» äleumettık-qaiyrymdyq qoryna bügınge deiın 100 mln teŋgeden astam qarjy bölgen. Būl turaly qor direktory Däurenbek Qūrbaniiazov mälımdedı.
Onyŋ aituynşa, būl qarjyǧa 5 dana ökpenı jasandy jeldetu (İVL) apparaty alynǧan. Qūraldardyŋ törteuı jaŋa jūqpaly auruhanaǧa, bıreuı kardiologiialyq ortalyqqa ornatylǧan. Bügınde osy maqsatqa jūmsalǧan qarjy kölemı 90 mln teŋgenı qūraidy. Sonymen qatar, qyzmettık boryşyn öteu barysynda qaza bolǧan därıgerlerdıŋ otbasyna da «Şymkent qaiyrymdy qala» qory tarapynan qarjylai qoldau körsetıldı. Künı bügınge deiın qordyŋ kömegımen qosymşa aşylǧan provizorlyq ortalyqtardaǧy tösek-orynǧa arnalǧan 30 kereuet pen 2400 litr mineraldy su alynǧan. Aldaǧy aptada 10 myŋ betperde men 1000 dana medisinalyq kiım taratu josparlanyp otyr.
Aita ketsek, «Şymkent – qaiyrymdy qala» qorynyŋ negızgı maqsaty – äleumettık, mädeni, ǧylymi, sporttyq, bılım beru maqsattaryna qol jetkızu, azamattardyŋ densaulyǧyn saqtau, qorşaǧan ortany qorǧau, sonymen qatar basqa da äleumettık paidaly mäseleler. Būl qor koronavirustyq infeksiiamen küreste ülken äleumettık kömek körsetıp keledı.
Şymkent
