QR Eńbek jáne halyqty áleýmettik qorǵaý mınıstrligi ústimizdegi jyldyń shilde aıyna azyq-túlik pen turmystyq zattar orynyna qarajat qarastyrylǵanyn málimdedi.
Qazaqstandyqtar 20-shildeden bastap aıdyń aıaǵyna deıin 5 300 teńgeden aqsha alady. Bul kómek 5-shi áleýmettik topqa jatatyn azamattarǵa beriledi.
Jergilikti atqarýshy organdar málimetterge súıene otyryp kómekke muqtaj azamattar tizimin jasaıdy. Sodan soń olardyń bank kartasyna 2AEK kólemindegi qarajat jiberiledi.
5-shi áleýmettik topqa kelesi sanattaǵy azamattar kiredi:
- ataýly áleýmettik kómek alatyn otbasylar;
- 16 jasqa deıingi múmkindigi shekteýli balalar;
- I, II, III toptaǵy múmkindigi shekteýli azamattar;
- múmkindigi shekteýli balalardy tárbıelep otqan ata-analar;
- jergilikti jumyspen qamtý ortalyǵynda tirkelgen jumyssyz azamattar.
Adamdarmen qarym-qatynasty azaıtý maqsatynda azyq-túlik jáne turmystyq zattar jıyntyǵyn qarajat retinde taǵaıyndaý týraly sheshim qabyldanǵan. Naýryz aıynan mamyr aıyna deıin 1 mıllıon adamǵa 13,5 mıllıard teńge qarajat jiberildi.
Eske sala keteıik, 14-shilde kúni Úkimet otyrysynda QR Premer-mınıstri Asqar Mamın QR Eńbek jáne halyqty áleýmettik qorǵaý mınıstrligine azyq-túlik jáne turmystyq zattar jıyntyǵynyń orynyna qarjylaı kómek berýdi tapsyrǵan.
BAİRAQ.KZ
