Belgılı jazuşy, qoǧam qairatkerı Myrzageldı Kemel ömırden ozdy. Qalamgerdıŋ qazasyn oqyrmandary men belgılı ädebietşıler estırttı.
Jylbek Senbekūly: Myrzageldı aǧanyŋ da bū jalǧandaǧy tūz-dämı tausylypty. Mıngenıŋız pyraq, ainalaŋyz şyraq, mekenıŋız jūmaq bolsyn, asyl da , ardaqty aǧa!
Serık Seiıtman: Myrzageldı aǧanyŋ özınen būryn eŋbekterımen tanystyq. 2008 jyly aty da, zaty da bölek "Aqyl qalta" kıtabyn Köpen aǧa syilaǧan. Köp uaqyt ötpei özımen de dastarhan basynda didarlasyp, şüiırkelestık. Sodan berı kıtaby qolymyzdan, esımı jüregımızden tüsken emes. Ülken-kışıge bırdei Sız dep söileitın körkem mınezdı kökeme Jaratqan jənnat nəsıp etkei! Otbasyna, tuǧan-tuystaryna qaiǧyryp köŋıl aitamyz. "AQYL QALTADAN": Adam qandai bolsa, sözı sondai. "Adamdy dosyna qarap tany" degen söz bar. Bıraq, adamnyŋ dosyna ǧana qarap emes, jauyna qarap ta kım ekenın tanuǧa bolady. *** Adam aǧyn su emes. Aǧyn su artyna qarai almaidy. Artyŋa qara, ızıŋ qandai bolyp tüsıptı, üŋıl. *** Ötkenıŋdı jıberıp alǧan qatelıkterıŋdı boldyrmau üşın ǧana esıŋe tüsır. *** Ekı qūlaqqa bır tıl keletını - ekı ese tyŋdap, bır ret söile degenı emes pe?! *** Qalai söileudı üirenu qanşalyqty kerek bolsa, qalai, qai jerde söilemeu sonşalyqty kerek...Aita keteiık, Myrzageldı Kemel 1949 jyly Türkıstan oblysy, Maqtaaral audanynda düniege kelgen. Prezident jäne "Alaş" syilyǧynyŋ laureaty. Ekonomika ǧylymynyŋ doktory, professor. "Adyrna" ūlttyq portalynyŋ ūjymy jazuşynyŋ jaqyndaryna köŋıl aitady. Baqūl bolyŋyz.
