Búgin Shymkent qalasynyń ákimi Murat Áıtenov jáne qalalyq máslıhattyń hatshysy Ǵanı Tashqaraev óz mindetin abyroımen atqarý barysynda qaıtys bolǵan shymkenttik dárigerlerdiń shańyraǵyna baryp, memlekettik nagradalardy tabys etti.
Qala ákimi aldymen «№1 Qalalyq emhana» ShJQ MKK terapııa bóliminiń meńgerýshisi qyzmetin atqarǵan Aǵzıpa Tajdenovanyń úıine baryp, otbasyna kóńil aıtty. Aǵzıpa Nasyrqyzy medıına salasyna qyryq jyl ǵumyryn arnaǵan, 20 myńdaı naýqasty emdegen, bilikti dáriger edi. Murat Dúısenbekuly I dárejeli "Barys" ordenin dárigerdiń joldasyna tabys etti.
Sondaı-aq, qala basshysy 49 jasynda kóz jumǵan Gaýhar Báımenovanyń otbasyna da arnaıy kóńil aıtty. №1 qalalyq klınıkalyq aýrýhana MKK-nyń aǵa medbıkesi Gaýhar Ashtaıqyzy "Qurmet" ordenimen nagradtaldy.
- Memleket basshysy Qasym-Jomart Toqaev birqatar medına qyzmetkerlerine memlekettik nagrada berý týraly Jarlyqqa qol qoıǵan bolatyn. Bul rette, dúnıeden ótken dárigerlerimizdiń eńbegi ólsheýsiz. Olar óz kásipterine adaldyq tanytty. Biz olardyń erligin eshqashan umytpaımyz. Árbiri batyr degen atqa laıyq. Barlyq otbasyǵa ákimdik tarapynan tıisti kómek jasalady, - dedi qala ákimi.
Shahar basshylyǵy qalanyń densaýlyq saqtaý salasyna eńbek sińirgen, qyzmet jolynda qaıtys bolǵan toǵyz dárigerdi memlekettik ordendermen nagradtap, olardyń úıine arnaıy baryp tabys etti.
Aıta ketsek, "Shymkent - qaıyrymdy qala" qorynan qaıtys bolǵan dárigerlerdiń otbasyna qarjylaı kómek kórsetildi.
Qala ákiminiń aıtýynsha, qalada koronavırýs dertimen tikeleı kúresip jatqan dárigerlerdiń bári din aman. Shahar basshysy olarlyń keıbiri aýyryp, qaıta jumysyn jalǵastyryp jatqanyn málimdedi.
I dárejeli «Barys» ordenimen marapattalǵan:
Tajdenova Aǵzıpa Nasyrqyzy - «№ 1 Qalalyq emhana» ShJQ MKK terapııa bóliminiń meńgerýshisi
«Qurmet» ordenimen marapattalǵandar:
- Kúrekbaeva Baýyrjan Ordabekuly - «Qalalyq dıagnostıkalyq ortalyq» MKK-nyń dárigeri
- Mamaev Hasym Mahmýdovıch - «Qalalyq dıagnostıkalyq ortalyq» MKK-nyń dárigeri
- Málibekov Jánibek Jumashuly - «№1 qalalyq klınıkalyq aýrýhana» MKK-nyń dárigeri
- Álmahanova Qafıza Batyrhanqyzy – «№8 qalalyq emhana» MKK-nyń aǵa medbıkesi
- Baımenova Gaýhar Ashtaıqyzy - «№1 qalalyq klınıkalyq aýrýhana» MKK-nyń aǵa medbıkesi
- Áýelbaev Tımýr Aıdarhanuly - «Jedel medıınalyq járdem stanııasy» MKK feldsheri
Parasat» ordenimen marapattalǵan:
Abdıkýlova Marııam Qabylbekqyzy – «№1 qalalyq klınıkalyq aýrýhana» MKK-nyń bólim meńgerýshisi
III dárejeli «Barys» ordenimen marapattalǵan:
Sadıev Orynbasar Alıpbekuly - «№1 qalalyq klınıkalyq aýrýhana» MKK-nyń bólim meńgerýshisi
Shymkent
