Shymkentte bir aılyq dári-dármek qory bar

2240
Adyrna.kz Telegram

Shymkent dárihanalaryn tıisti dárimen qamtamasyz etý maqsatynda kórshi elderden dári shyǵaratyn farm kompanııalarmen 10 mıllıon AQSh dollary bolatyn dári-dármek alýǵa kelisimshart jasaldy.

Budan bólek, qaladaǵy segiz farmkompanııaǵa shetelden birjolǵy tasymalmen dári ákelý boıynsha ruqsat berilip otyr. Qazirgi tańda Ýkraına elinen dárilerdiń alǵashqy legi ushaqpen Almatyǵa keldi. Endi júk kóligimen Shymkentke jetkiziledi. Osylaısha, qaladaǵy dárige degen tapshylyqty sheshý jaǵy qarastyrylyp jatyr. Bul týraly qala ákiminiń birinshi orynbasary Erbol Sadyr málimdedi.

Onyń aıtýynsha, pnevmonııa men JRVI-ǵa baılanysty halyq arasynda suranysqa ıe «levofloksaın» preparatynyń 1 mln 600 myń flakony, 414 myń flakon «eftrıakson», 100 myń qorap «deksametazon» jáne 200 myń qorap «askarbın qyshqyly» syndy 20-dan asa qajetti dárilerdi alý boıynsha kelisimshart jasaldy.

Qazirgi kezde Shymkent qalasynda tirkelgen 560 dárihanada bir aılyq dári-dármek qory bar. Onda dene qyzýyn tómendetetin preparat, vırýsqa qarsy preparattar men antıbıotıkter jáne «S» dárýmenderi bar.

Qala ákiminiń birinshi orynbasary dári baǵasyn baqylaý maqsatynda qurylǵan tórt monıtorıngtik toptyń  167 dárihanada bolyp, halyq suranysyndaǵy dári-dármekterdiń qoljetimdiligi men baǵasynyń turaqtylyǵyna zerdeleý jumystaryn júrgizgenin aıtty. Nátıjesinde 50-den asa jaıt anyqtalyp, onyń 10-na qylmystyq is qozǵalǵan.

Shymkent 

Pikirler