Abaı aýdany aýmaǵyndaǵy kópqabatty turǵyn úılerde qatty turmystyq qaldyqtar tastalatyn 112 konteıner alańshasy bar. Osy alańshalarǵa 485 konteıner qoıylǵan.
Aǵymdaǵy jyly tozyǵy jetken qoqys konteınerlerin aýystyrý maqsatynda qalalyq bıýdjetten qarjy bólinip, 19 mln 500 myń teńgege 150 dana konteıner satyp alyndy. Merdiger mekeme - «Statýs KBO bıýldıng» JShS.
Abaı aýdany ákiminiń mindetin atqarýshy E.Zankoev jańadan alynǵan 150 dana konteınerdiń sapasyn tekserip, qabyldaý boıynsha tıisti sharalar júrgizýdi tapsyrdy. Qazirgi kezde tozyǵy jetken konteınerlerdi aýystyrý jumystary júrgizilýde. Aýdanda qatty turmystyq qaldyqtardy shyǵarýmen "Speavtotransport" JShS-i aınalysady.
Aıta ketsek, merdiger mekeme kópqabatty turǵyn úılerdiń aýlasyndaǵy qoqys konteınerlerin kúnine 2 ret, jeke turǵyn úılerdi aptasyna 1 ret tazalap, alyp otyrady.
Shymkent
