Qarýly Kúshterdiń qataryn jasaqtaý jumystary júrgizilýde

2983
Adyrna.kz Telegram

Memleket basshysynyń 2020 jylǵy 30 sáýirdegi №312 Jarlyǵynyń negizinde azamattardy ásker qataryna shaqyrý sharalary júzege asyrylýda. Kóktemgi áskerge shaqyrý merzimi bastalǵan kezeńnen bastap Semeı qalasynan QR Qorǵanys mınıstrliginiń áskerı bólimderi men qurylymdaryna, QR IIM Ulttyq Ulanyna, QR UQK shekara qyzmetine, memlekettik kúzet qyzmetine 150-den asa jas jiberildi. Otan aldyndaǵy boryshyn óteýge attanǵandar 18 - 27 jas aralyǵyn qamtıdy. Elimizde engizilgen karantınge baılanysty sanıtarly-gıgıenalyq sharalardy qatań saqtaý maqsatynda jıyn pýnkterinde medıınalyq beketter jasaqtalǵan.

Bıyl áskerge shaqyrylýshylardy saltanatty túrde shyǵaryp salýǵa da tıym salyndy. Medıınalyq beketterde komıssııa quramyndaǵy dárigerler azamattardyń densaýlyǵyn jiti tekseredi. Koronavırýs ınfekııasynyń taralýyna jol bermeý úshin jıyn pýnkti men oǵan irgeles aýmaqta dezınfekııalyq jáne ylǵaldy tazalaý jumystary ár eki saǵat saıyn júrgiziledi.

«Áskerge shaqyrylǵandarmen psıhologııalyq jumystar, suhbat júrgiziledi. Basty maqsatymyz - shynyqqan shymyr ǵana emes, densaýlyǵy myqty, ári moraldyq turǵydan boryshyn óteýge ázir azamattardy irikteý. Sebebi, qazirgi jaǵdaıǵa baılynysty biz barlyq tekserýdi tııanaqty ótkizip qana qoımaı, juqpaly indettin áskerılerdiń arasynda taralyp ketýine jol bermeýimiz asa qajet»,- deıdi Semeı qalasy qorǵanys isteri jónindegi basqarmanyń shtab bastyǵy podpolkovnık Baqyt Rahymbaev.

"Adyrna" ulttyq portaly

Pikirler