Kór ústinde kóp shaıtan bılegendeı, Otshashýyń bitpedi-aý, Qazaqstan...

748

Eskertkishiń bar endi taza mystan,
Tutty, sirá, qyzǵanyp aza dushpan.
Kúlli álemniń ókpesi kúıip jatyr,
Seniń toıyń bitpedi-aý, Qazaqstan...

Bıligińde eshkim joq shala mıly,
Biraq sharýań qalmaı-aq barady ıgi.
Betperdesin ıekke túsire sap,
Betke ustaıdy top adam qaraly úıdi.

Kimniń qalaı bolady aıyp isi,
Jarǵa baryp tireldi qaıyq ushy.
Dárihanań bar bolǵyr aspırındi
Qymbat satyp, keledi baıyǵysy.

Tanylǵymyz bar edi atyrapqa,
Mataǵa da zar boldyq, japyraqqa.
Jedel járdem - únemi shaban járdem,
Qaıyr kútken jurt túgel aqymaq pa?

Mereıtoı ma... kókparyn ala shapty,
Kóksaý halqy kútedi aǵash atty.
"Bul otshashý ne kerek?" dep kesetin
Sózdi beker kúttim-aý parasatty.

Álde halqyń aýrýmen az alysqan,
Toıyn jasap, ertesi qaza qushqan.
Kór ústinde kóp shaıtan bılegendeı,
Otshashýyń bitpedi-aý, Qazaqstan...

Eseı Jeńisuly

Pikirler
Redakııa tańdaýy