Jýrnalıst bolǵym keledi

453

Adamnyń armany eshqashan adastyrmasy anyq.Meniń kishkentaı kezden armandaǵan mamandyǵym jýrnalıst bolý edi. Óse kele osy mamandyqqa degen yntyqtyǵym arta tústi.Jýrnalıst mamandyǵy árqashan bolyp jatqan aqparattyń alǵy shebinde júrý,qaınaǵan qyzý tirshiliktiń bel ortasynan tabylýymen , jańalyqtyń jarshysy bolýymen erekshelenedi.Búgingi kúnniń jýrnalısteriniń tirshiligi tipti qaınaı túskendeı kórinedi maǵan.Jurtqa jyldam ári naqty aqparat berý,bergen aqparatyńnyń shynaıy bolýy saǵan zor jaýapkershilik júkteıdi.Jýrnalıst mamandyǵy adamdar men bılik arasyndaǵy altyn kópir ispetti.Adamdarǵa kómektesý olardyń janaıqaıyna qulaq asý,qıyndyq kórgen , taǵdyr taýqymetin tartqan jandarǵa járdemdesý naǵyz jýrnalıstiń qolynan keletin sharýa. Uly oıshyl,qazaqtyń bas aqyny Abaı atamyzdyń : «sen de bir kirpish dúnıege ketigin tap ta, bar qalan» degen sózi árbir qazaq balasynyń júregine jaqyn. Aqyn atamyzdyń osy sózi maǵan da úlken oı saldy. Men de elimniń órkendeýine,Qazaqstanymnyń gúldenýine óz úlesimdi qosqym keledi.Qazyq halqyna keńinen tanylǵan,ár adamǵa qolynan keler kómegin tıgize bilgen kóptegen qazaq jýrnalısteriniń elge sińirgen ólsheýsiz eńbekterimen tanysyp,shapaǵatty isterinen ónege-úlgi alyp kelemin.Atap aıtsam: Kamal Smaılov,Nurtileý Imanǵalıev, sport jýrnalısi Nesip Júnisbaev,keshe ǵana ómirden ótken aǵamyz Beısen Quranbek ,Dana Nurjigit .Aıta bersem óte kóp.Jýrnalıst mamandyǵy- tazalyqty,shynshyldyqty,bilimdilikti,ár oqıǵany óz júregińnen ótkize alatyn sezimtaldyqty talap etetin erekshe mamandyq.Osy qasıetterdiń bári boıyńnan tabylǵanda ǵana naǵyz jýrnalıst bolaryń sózsiz. Osy joǵaryda attary atalǵan aǵalarym men ápkelerime eliktep jýrnalıst bolsam dep kóp armandadym.Mektepti bitirgennen keıin osy armanymnyń oryndalýyn ózime maqsat etip qoıyp otyrmyn.Joǵary oqý ornyna túsip,jýrnalıst mamandyǵyn alýǵa bet burdym. Jany jabyrqaǵan adadarǵa kómektesip,ádildik jolyn ustanǵym keledi.Halyqqa tez ári sapaly jańalyqtar jetkizgim keledi.Qazaq jýrnalıstıkasyn joǵary deńgeıge kótersem degen de armanym joq emes. Osy mamandyqtyń qyry men syryna úńilip, qıyndyǵy men qyzyǵy qatar júretin ǵajaıyp mamandyqty jańa bir qyrynan tanytsam deımin.Armannyń aldamaıtynyn da jaqsy bilemin.Únemi izdeniste júrip, jańalyqqa jany qumar ,eline jany ashıtyn adal jýrnalıst bolǵym keledi.Elim meniń ósip bilim alýyma, er jetip esti azamat bolýyma járdemin bergen kezde men nege óz elime qolymnan keler kómegimdi berýge umtylmaımyn degen oılar meni kópten beri mazalap júr. «Sen janbasań lapyldap, men janbasam lapyldap,aspan qaıdan ashylmaq» demekshi men de elimniń órkendeýi úshi óz úlesimdi qosqym keledi.Búgingi kún bilimdi de talapty jastardyń kúni.Jastardyń tolyqqandy shyńdalǵan azamat bolyp qalyptasýy úshin elimizde barlyq jaǵdaı jasalǵan.Endeshe qanatymyzdy keńge jaıyp óz arman-maqsatymyzdy júzege asyrý jolynda nege talpynbasqa,nege talaptanbasqa?! Júregime jaqyn mamandyǵymdy tańdap,elime eleýli,halqyma qalaýly jan bolǵym keledi. «Men jastarǵa senemin degen» Maǵjan atamnyń senimin aqtaǵym keledi.

Aıymgúl ERLANQYZY

Pikirler
Redakııa tańdaýy