Shymkent aqparattyq-kommýnıkaııa ortalyǵynda qalalyq epıdemıologııalyq jaǵdaıǵa baılanysty brıfıng ótti. Baspasóz májilisine Shymkent qalasynyń ákimi Murat Áıtenov, qalalyq Densaýlyq saqtaý basqarmasy basshysy Rýstam Albaev, qalalyq Jedel járdem kórsetý stanııasy bas dárigeriniń orynbasary Sholpan Ospanova jáne jedel járdem dárigeri Arman Hamzın qatysty.
Brıfıngte eń alǵash sóz alǵan qala ákimi Murat Dúısenbekuly qaladaǵy epıdemıologııalyq jaǵdaı jáne ony qalypqa keltirý barysyndaǵy jumystar jóninde aıtty.
– Qurmetti qala turǵyndary! Respýblıkalyq deńgeıde Shymkent qalasy boıynsha túrli jańalyqtar júrip jatyr. Iaǵnı, Qaznette Shymkent qalasynda «naýqastar aýrýhana qaqpasyna jetpeı qaıtys bolyp jatyr jáne naýqastarǵa oryn joq» degen sekildi aqparattar taraýda. Osy jóninde arnaıy túsindirme bersem, búginde qalada 650 ınfekııalyq tósek-oryn bar. Onyń ishinde juqpaly aýrýhanalarda 350, jańa salynǵan gospıtalda 200 jáne Atameken provızorly staıonarda 100 oryn bar. Atalǵan eski juqpaly aýrýhanalar aýrýhanasynda 321 naýqas jatyr, gospıtalda 172 jáne Atameken provızorly staıonarda 42 naýqas emdelýde. Al jalpy 115 oryn bos. Odan bólek, qalada 1690 provızorly oryn bar. Onyń ishinde 1315-inde naýqastar em alýda, qalǵany bos. Iaǵnı, provızorly oryndardyń 77%-y paıyzy tolyp tur. Sol sebepti búgin 500 provızorly oryn ashamyz. Al jeksenbi kúni 200, dúısenbi kúni 500 provızorly oryn ashylady. Sondaı-aq, 51 mekemede 628 tósek-oryndyq kúndizgi staıonar ashtyq. Onyń 248-i bos. Atalǵan kúndizgi staıonardaǵy bir oryn kúnine 5 adamdy qabyldaı alady. Al jumys ýaqyty tańǵy 08:00-den keshki 20:00-ge deıin (demalyssyz) isteıdi. Aıta keteıin, osy kúndizgi staıonarlarda naýqastar tirkelgen emhanasy boıynsha tegin emdeledi. Halyqqa der kezinde medıınalyq kómek kórsetý úshin emhanalardyń jumysyn eki ese kúsheıtemiz, – dedi qala ákimi.
Al Shymkent qalalyq Densaýlyq saqtaý basqarmasy basshysy Rýstam Albaevtyń aıtýynsha, qalada koronavırýs ınfekııasymen aýyryp jatqan 2084 naýqas tirkelgen. Onyń 45 paıyzy – sımptomsyz. Provızorly staıonarlardyń tósek qory 89 paıyzǵa júktelgen. Al dári-dármektiń eki aılyq qory bar.
Brıfıng sońynda sóz alǵan qala basshysy Murat Dúısenbekuly qazirgi kezde medıına mamandaryna júktelgen mindettiń aýyr ekendigin alǵa tartyp, tynymsyz eńbek etip jatqan mamandardyń jumysyna túsinistikpen qaraýǵa shaqyrdy. Eń bastysy, qolaısyz epıdemıologııalyq jaǵdaıǵa baılanysty turǵyndarǵa saqtyq sharalaryn qatań ustaný qajet ekendigin eskertti.
Shymkent
