Dári-dármektiń baǵasyn kótergenderge 100 AEK mólsherinde aıyppul salynady

2686
Adyrna.kz Telegram

Shymkent qalasy ákimdiginde qalada ınfekııalyq aýrýlardyń kóbeıýine baılanysty halyqqa dári-dármek qanshalyqty qoljetimdi bolyp jatqandyǵy jóninde qalalyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Lázzat Qashqynbaeva jáne Shymkent qalasy boıynsha Farmaeftıka qaýymdastyǵynyń tóraıymy Hadısha Áljanova BAQ ókilderine arnaıy suhbat berdi.

Lázzat Rysymbekqyzy aldymen  dári-dármek týraly qala turǵyndary arasynda azdap dúrligý bolyp otyrǵanyn alǵa tartyp, osy jaǵdaı jóninde pikirin bildirdi.

– Búginde qalamyzda JRVI, pnevmonııa jáne tumaýdyń basqa da túrlerimen aýyrǵandar sany kóbeıýde. Osy sebepti halyq reeptsiz bosatylǵan dárilerdi jappaı satyp alýda. Bul durys emes. Dárilerdiń merzimi men saqtaý joldary bar. Eger ol durys saqtalmasa, adam aǵzasyna keri áser etedi. Sondyqtan dárilerdi, meılinshe, dárigerdiń nusqaýlyǵymen satyp alý kerek. Osy rette qalamyzda dári tapshylyǵy týraly shaǵym túspegenin, alaıda dárihanalarda dárilerdiń tez taýsylyp jatqany týraly aqparattar kelgenin aıta keteıin. Iaǵnı qoımalarda dáriler bar, biraq dárihanalarǵa jetken soń, tez taýsylyp qalýda. Qalada 730-daı dárihana bar. Onyń 60%-y úlken, qalǵany – kishi dárihanalar. Kishi dárihanalarda dárilerdiń qory az bolady. Al úlken kompanııalardyń dári-dármek qory jetkilikti.  Biz  77 dáriniń túrine monıtorıng júrgizdik. Sonyń ishinde 240 myń qaptamada (ýpakovka) paraetamol bar ekenine kóz jetkizdik. Sondaı-aq, dárigerdiń nusqaýynsyz beriletin ózge de dárilerdiń jetkilikti ekenin bildik, – dedi departament basshysynyń orynbasary.

Budan bólek, L.Qashqynbaeva dárihanalardaǵy baǵanyń ósip ketpeýine monıtorıng júrgiziletindigin  eskertti. Onyń aıtýynsha, 2019 jyly QR Densaýlyq saqtaý mınıstrliginiń 104-buıryǵymen 6191 dárilik zattardyń túrine shekteýli baǵalar kórsetilgen. Eger dárihana ıeleri osy shekteýdi eskermeı, dárilerdiń baǵasyn negizsiz kóteretin bolsa úlken dárihanalarǵa 100 AEK, al kishi dárihanalarǵa 70 AEK mólsherinde aıyppul salynady.

Shymkent 

Pikirler