Lýkashenko qashyp júrgen Bakıevke rezıdenııasy janynan jer berdi

2563
Adyrna.kz Telegram

Belarýs prezıdenti Aleksandr Lýkashenko Qyrǵyzstannyń burynǵy prezıdenti Qurmanbek Bakıevke Mınsk teńizindegi óziniń "Zaslavl–2" rezıdenııasy janynan 70 sottyq jer berdi dep habarlaıdy TUT.BY saıty Jyljymaıtyn múlikterdi memlekettik tirkeý málimetine súıenip.

Jer ýchaskesi 2019 jyldyń jeltoqsan aıynda Lýkashenkoǵa ómir boıy paıdalanýǵa berilgen aýmaqtan berilgen.

45 sottyq jeri Bakıevke aýyl sharýashylyǵyn júrgizý úshin, qalǵan 25 sottyǵy turǵyn úı salýǵa bólingen.

Qurmanbek Bakıev 2005 - 2010 jyldar aralyǵynda Qyrǵyzstandy basqardy. Ol Asqar Aqaev úkimetine qarsy "Qyzǵaldaq revolıýııasynan keıin" bılikke keldi. Biraq 2010 jyldyń 7-15 sáýir aralyǵynda Qyrǵyzstanda kezekti ret tóńkeris bolyp, oppozıııa ony bılikten ketirdi. Revolıýııa kezinde 100-ge jýyq adam qaıtys boldy.

Bakıev sáýir oqıǵasynan keıin Qyrǵyzstannan qashqan. Qazir ol otbasymen birge Belarýste turady. Sol eldiń azamattyǵyn alǵan.

Qyrǵyzstan bıligi ony qaıtarýdy talap etip jatyr. Ol Qyrǵyzstanda brıtandyq kásipker Shona Deılıdiń ómirine qastandyq jasady, qyzmet babyn asyra paıdalandy dep aıyptalǵan. Burynǵy prezıdent syrttaı 30 jylǵa sottalǵan ári oǵan izdeý salynǵan.

Centralasia.org

Pikirler