23 maýsym kúni Ózbekstan Respýblıkasy, Syrdarııa oblysy, Gúlistan qalasynda bir aılyq náresteni 18 myń AQSh dollaryna satpaq bolǵan eki áıel ustaldy. Bul týraly Centralasian habarlady
Syrdarııa oblysy ishki ister basqarmasynyń aqparaty boıynsha, ustalǵan eki áıeldiń biri - sábıdiń anasy, ekinshisi - bala satýda deldal bolyp júrgen áıel.
Dálel retinde aqshasy tárkilengen. Qazir osy oqıǵa boıynsha tergeý júrip jatyr.
1 mamyrda dál osy aımaqta Sardoba sý qoımasy jarylyp, eldi-mekendi sý basqan. 70 myń adam kóshirilgen. Apattan 4,5 myń otbasy baspanasyz qaldy.
Bul apattyń kesiri Túrkistan oblysynyń Maqtaaral aýdanyna da tıgen. «Túrkistan» áleýmettik damý korporatıvtik qorynyń dereginshe 200-den asa úıge qatty zaqym kelgen. Búlingen úılerdiń jalpy sany 800-den asatyn kórinedi. Taǵy da aıta ketetin jáıt, 7 myń gektardan asa egistik jerdi sý alyp, 300 deı mal qyrylyp qalǵan.
Qazir arnaıy kommısııa zardap shekken turǵyndarǵa ótemaqy berýdi bastap ketken.
"Adyrna" ulttyq portaly
