Qudaı súıgen qulyn saqtaımyn dese, qalaı bolsyn saqtaıdy eken-aý. Kýbany jarty ǵasyr bılegen Fıdel Kastro 638 ret jasalǵan qastandyqtan aman qalǵan mysaly. Nebir qıturqy qastandyqtyń ózinen perishtesi qaǵyp, qutylyp ketip otyrǵan.
Máselen, eki snaıper Kastroǵa shabýyl jasaıtyn kezde bireýin mashına qaǵyp, ekinshisi aıaq asty soqyrishek bolyp, jospar júzege aspaı qalady.
Endi birde oǵan amerıkalyqtar týberkýlez tútikshesi salynǵan akvalang syılamaq bolady. Qastandyq týraly bilmegen amerıkalyq advokat Donovan mundaı syılyqty Kastroǵa laıyq kórmeı, onyń ornyna qymbatyn satyp alyp, álgi Kastroǵa arnalǵan akvalangty ózi qoldanyp, kóp uzamaı kóz jumady.
Úshinshi ret barlaý qyzmeti sý astynan soqqy beretin kezde daýyl turyp, tabıǵattyń ózi jaýlarynyń josparyna kedergi jasaıdy.
Odan bólek qalamǵa, temekige, tennıs dobyna jarylǵysh zat jasyryp, jaýyzdyq uıymdastyrǵanda da adam aıtsa nanǵysyz sebeptermen ajaldan aman qalǵan. Mıstıka dersiz...
Áıteýir ne kerek, Kýba revolıýıoneri osylaısha eń kóp qastandyq jasalǵan bıleýshi retinde Gınness rekordtar kitabyna engen.
Al 1960 jyly BUU otyrysynda 4,5 saǵat, 1986 jyly Kommýnıstik partııa sezinde 7 saǵat sóz sóılep, orator retinde ekinshi ret Gınnes rekordtar kitabyna enedi. Kúni búginge deıin birde bir bıleýshi onyń bul rekordyn jańartpaǵan.
JEKE ÓMIRI
Kastronyń jeke ómiri jaıly da ańyz jeterlik. Uzynqulaq tóseginde 35 myń áıel túnep shyqqan deıdi❗️ Segiz balasynyń ishinde úlken uly Fıdelıto ǵana zańdy nekede týǵan. Onyń sheshesi Mırta Dıas-Balart Kýba mınıstriniń qyzy. Kýbalyq qyz-kelinshekterge uqsamaǵan, erekshe ádemi blondınka. Kastro ony alǵash kórgende dostaryna: «Men osy qyzǵa úılenemin»-deıdi. Al dostary mınıstrdiń qyzyna úılený múmkin emestigin aıtady. Bir jyldan keıin degenine jetip, úılený toıy ótedi. Erli-zaıyptylar birneshe jyl tatý-tátti turady.
Alaıda 1950 jyldardyń basynda, Kastro revolıýııa isine bilek sybana kirisken tusta Natı Revýelta jolyǵady. Natı – júzine qurbysy kóz toqtatpaı ótpeıtin sulý kelinshek bolǵan. Ol kezde turmysta, kúıeýi egde jastaǵy dáriger. Biraq bul Kastro men Natıǵa kedergi bolmaǵan. Natı oǵan general Batıstany qulatý jolynda revolıýııalyq josparyn jasasyp, kóp kómek kórsetedi. Kastro birinshi áıelimen ajyrasqannan keıin, Natı oǵan Alına esimdi qyz týyp beredi. Osy qyzy 1993 jyly jasyryn túrde Amerıkaǵa qashyp baryp, ákesiniń jeke ómiri jaıly bar qupııany jaıyp salady. Osy oqıǵadan keıin Kastro qatty jaqsy kórgen qyzynyń esimin ózi turǵan jerde ataýǵa tyıym salǵan.
Kastronyń qalǵan bes balasy shırek ǵasyr azamattyq nekede turǵan áıeli Delıv Sotodan týǵan. Úsh ulynyń atyn Aleksıs, Aleksandr, Alehandro dep Aleksandr Makedonskııdiń qurmetine qoıǵan.
Taǵy bir balasy gavanalyq Amparo esimdi áıelden. Taǵy bir kóńil jarastyrǵan áıeli, óziniń hatshysy bolǵan qyzýqandy Selııa Sanchos 80 jyldardyń ortasynda óz-ózine qol salyp, kóz jumady. Eń sońǵy áıeliniń esimi – Dalııa Soto del Vale.
QYZYQ DEREKTER:
Solaqaı.
Súıikti jazýshysy Ernest Hemıngýeı.
As ázirleýdi erekshe jaqsy kórgen.
Kastronyń rejımin qulatýǵa tyrysqan Amerıka bıligi birde kýbalyqtarǵa Amerıkaǵa kóshýge usynys jasaıdy. Sol kezde Kastro el túrmelerindegi qaýipti qylmyskerlerdi bosatyp, májbúrli túrde Amerıkaǵa deportaııalap jiberedi.
Barlaý agentteri tipti ony tallıı tuzy arqyly saqalanynan da aıyrmaqshy bolady. Al Kastro buǵan: «Saqal qyrmasańyzdar kúnine 15 mınýt, al jylyna 10 kún únemdeısizder. Sogda bul 10 kúndi kitap oqýǵa, jumys isteýge, sportqa jumsaýǵa bolady»-dep jaýap bergen.
Kastronyń ákesi jer aýdarylyp kelgen ımıgrant. Birtindep jer alyp, qant plantaııasyn ıelenip, jaǵdaıy kóp-kórim kóteriledi. Sheshesi ákesiniń qol astynda aspaz bolǵan. Olar dúnıege bes balasy kelgennen keıin ǵana zańdy túrde nekelesedi. Ózderi oqymaǵanymen balalaryna jaqsy bilim berýge tyrysqan.
P.S.: Matrıasynda úsh úshtigi men eki segizdigi bolǵan. Óte qabiletti, harızmaly adam. Myńdyq belgisi bar. Bul ataq pen aqshanyń belgisi. Juldyzy – Arystan.
Aqbota Ábiltaı
