Búgin Shymkent qalasynyń 90 turǵynyna jańa páterdiń kilti tabystaldy. Páterge qol jetkizgenderdiń qatarynda UOS ardageri Halıl Ergeshov ta bar. Qala ákimi Murat Áıtenov qýanysh ıelerin karantın rejımine baılanysty onlaın quttyqtady.
«Uly Otan soǵysynda beıbit zaman úshin baryn bergen Sizdeı batyrdyń búgin qonys toıyn toılaıtynyna qýanyshtymyn. Ózińizdi shyn júrekten quttyqtaımyn! Ókinishke oraı, álemdi jaılaǵan aty jaman indet basylmaı tur. Sol sebepti, saqtyq sharalaryn saqtaý úshin sizdi onlaın quttyqtaýǵa týra keldi»- dedi qala basshysy.
Qala kúni qarsańynda baspanaly bolǵandar qatarynda 65 kópbalaly otbasy, áleýmettik az qamtylǵan 24 januıa bar. Jalpy jyl sońyna deıin taǵy 1 144 páter beriledi dep josparlanyp otyr. Onyń 300-i jumys istep júrgen jastarǵa, 450 páter kópbalaly otbasyǵa, 192-si áleýmettik az qamtylǵan januıaǵa beriledi.
Shymkent
