Shymkenttegi temir jol vokzalynda koronavırýsqa qarsy tártip kúsheıgen. Áleýmettik ara qashyqtyq, betperde rejımi, vagondar arasynda jolaýshylardyń júrip-turýy talapqa saı júrgizilýde.
Al, jolaýshylardyń dene temperatýrasy ǵımarattyń ishine kireberiste avtomatty túrde anyqtalyp, kúzetshilerge monıtor arqyly belgi beredi. Aýa baptaǵysh qurylǵylar arqyly dızenfekııalyq jumystar júrgiziledi.
- Turǵyndardyń qaýipsizdigi úshin ǵımarat tazalyǵyna 10 qyzmetker jumyldyrylǵan. Kúnine 4 mezgil dızenfekııa jasalady. Jazǵy demalys maýsymy bastalǵaly poıyz jol qyzmetine júgingen jolaýshylar qatary artqan. Turǵyndar tek tasymaldaý toqtamasa boldy, tártipti saqtaýǵa daıynbyz, - deıdi Shymkent Temir jol vokzalynyń basshysy Erǵalı Myrzahmet.
Eske sala keteıik, elimizde jolaýshylar poıyzy birinshi maýsymnan júre bastady. Shoıyn jol tasymalyn iske qosý úsh kezeńnen turady. Bıletter 15 mamyrdan satyla bastaǵan. Osy ýaqytqa deıin Shymkent temir jol vokzalynan 7000-ǵa jýyq bılet satylǵan.
Shymkent
