Şymkenttegı temır jol vokzalynda koronavirusqa qarsy tärtıp küşeigen. Äleumettık ara qaşyqtyq, betperde rejimı, vagondar arasynda jolauşylardyŋ jürıp-tūruy talapqa sai jürgızılude.
Al, jolauşylardyŋ dene temperaturasy ǧimarattyŋ ışıne kıreberıste avtomatty türde anyqtalyp, küzetşılerge monitor arqyly belgı beredı. Aua baptaǧyş qūrylǧylar arqyly dizenfeksiialyq jūmystar jürgızıledı.
- Tūrǧyndardyŋ qauıpsızdıgı üşın ǧimarat tazalyǧyna 10 qyzmetker jūmyldyrylǧan. Künıne 4 mezgıl dizenfeksiia jasalady. Jazǧy demalys mausymy bastalǧaly poiyz jol qyzmetıne jügıngen jolauşylar qatary artqan. Tūrǧyndar tek tasymaldau toqtamasa boldy, tärtıptı saqtauǧa daiynbyz, - deidı Şymkent Temır jol vokzalynyŋ basşysy Erǧali Myrzahmet.
Eske sala keteiık, elımızde jolauşylar poiyzy bırınşı mausymnan jüre bastady. Şoiyn jol tasymalyn ıske qosu üş kezeŋnen tūrady. Biletter 15 mamyrdan satyla bastaǧan. Osy uaqytqa deiın Şymkent temır jol vokzalynan 7000-ǧa juyq bilet satylǧan.
Şymkent
