Áleýmettik jelilerde Almatydaǵy "baraholka" bazarynyń jalǵa berýshileri men satýshylaryna maýsym aıynda taǵy jumystyń toqtaıtyndyǵy týraly eskertilipti degen aqparat taraı bastady. Alaıda Almaty qalalyq Kásipkerlik jáne ınvestıııalar basqarmasy bul aqparatty joqqa shyǵardy, dep habarlaıdy «Adyrna» ulttyq portaly zakon.kz,-ke silteme jasap.
«Biz bul aqparatty rastamaımyz. Barlyq sheshim bas sanıtarlyq dárigerdiń qaýlysymen maquldanady, biraq jalpy, ózderińizge belgili, bir apta buryn, ıaǵnı maýsym aıynyń 1-inen bastap koronavırýstyń aldyn alý jáne ony anyqtaý, emdeý boıynsha jańa erejeler qabyldandy, onda karantındik rejım jumsartylǵan keıbir óńirde qyzmetine ruqsat etilgen obektilerge qoıylatyn talaptardy qatańdatý belgilendi», - dedi Basqarma basshysy Erkebulan Orazalın arnaıy onlaın-brıfıngte.
Onyń aıtýynsha, ákimdik tutastaı alǵanda qatań karantın jaǵdaıyna oralýdy kózdemeıdi.
"Biz bul jaǵdaıda ruqsat etilgen nysandar men óndiristerdi qaıta jabý orynsyz dep esepteımiz, bizde ondaı sheshim de joq (jabý, qyzmetti toqtatý týraly - avt), biraq jumysyna ruqsat etilgen barlyq kásipkerlik nysandarǵa sanıtarlyq qaýipsizdikti saqtaýǵa baǵyttalǵan karantındik talap kúsheıtiledi. Bul baǵytta SJS qyzmeti belsendi jumys júrgizýde. Eger karantın talaptary buzylǵany anyqtalsa, ıá, ondaıda keıbir nysandar jabylýy múmkin, sondaı-aq aýrý juqtyrǵan adamdar anyqtalǵan jaǵdaıda", - dep sózin qorytyndylady Erkebulan Orazalın.
Onyń aıtýynsha, qazir karantın sharalaryn jeńildetý jáne birqatar nysandardy ashýǵa ruqsat berý arqasynda Almatyda 800 myń jumys orny qalpyna keltirildi.
