Bügın aqparattyq-kommunikasiialyq ortalyǧynda Şymkent qalasy Otbasy, balalar jäne jastar ısterı jönındegı basqarmasynyŋ basşysy Jandos Qaltaevtyŋ qatysuymen 2020 jyl «Erıktıler jyly» aiasynda atqarylǧan jūmystar men josparlar boiynşa brifing öttı.
Brifingte basqarma basşysy, eŋ aldymen, erıktıler jylyna bailanysty qala jastarynyŋ azamattyq belsendılıgın damytuǧa jaŋa serpın beretın ıs-şaralar jospary äzırlengenın jetkızdı.
Atap aitsaq – «Bırgemız» jalpyūlttyq jobasy, Balalar üilerınıŋ tärbielenuşılerıne «Tälımger» jobasy, «Şymkent – qaiyrymdy qala» jobasy, «Jasyl jäne taza qala» jobasy, «Şymkent – TMD elderınıŋ mädeni astanasy», «Izgılıkte jarysaiyq» jobasy jäne «Meiırım» jobalary.
J.Tölembekūlynyŋ sözıne süiensek, bügınde Şymkent qalasynda 20-dan astam qoǧamdyq ūiymdar erıktılıkpen belsendı ainalysady. Al erıktıler sany – 3000-ǧa juyq.
«Halyqtyŋ ärtürlı jas toptaryn erıktılık qyzmetke tartu qajettılıgın eskere otyryp, erıktılerdı qoldau maqsatynda Şymkent qalasy «Jastar resurstyq ortalyǧynyŋ» qoldauymen «Şymkent volonterlar qauymdastyǧy» qūryldy. «Jariia», «Meiırım», «Dobriaki Şymkenta», «Volonter Şymkent», «ASSA», «Izgılıkte jarysaiyq», «Blago dariu», «Lider.kz», «Jastar quaty» 9 volonterlyq ūiym – qauymdastyqtyŋ qūryltaişylary. Al erıktılermen jobalardy üilestıru maqsatynda Jastar resurstyq ortalyǧy janynan «Volonterlermen jūmys jürgızu» bölımı aşyldy», – dedı J.Qaltaev.
Būl rette basqarma basşysy elımızdegı karantindık jaǧdaiǧa bailanysty jol kartasynda qarastyrylǧan keibır ıs-şaralardy ūiymdastyryp ötkızu mümkındıgı bolmai jatqanyn atap öttı. Sol sebeptı volonterlyq jūmystar tötenşe jaǧdai kezeŋındegı şaralarmen ūlasqan.
Toqtalyp ötsek, aqparattyq-nasihattau jūmystary men qaiyrymdylyq şaralary jürgızılgen. Iаǧni, ındettıŋ taraluyn aldyn alu maqsatynda äleumettık 8 beinerolikter jäne 20 türlı elektrondy flaerler daiyndalyp, äleumettık jelılerge salynǧan. Al qaiyrymdylyq barysynda 7 245 az qamtamasyz etılgen otbasyǧa azyq-tülık, 333 otbasyǧa därı-därmek jäne 1 millionnan astam betperde men antiseptik taratylǧan.
Osy oraida jastardyŋ karantin uaqytynda paidaly kıtap oqu mädenietın qalyptastyru maqsatynda «Üide bırge oqimyz» chellendjı bastalyp, 3 kıtap oqu talaby qoiylǧan. Bır aiǧa jalǧasqan būl chellendjde 3000 jas 9000 kıtap oqyp, arnaiy jeŋımpazdar anyqtalǧan. Atalǧan jalǧastyru ürdısınıŋ paidasyn Jandos Qaltaev: «Kıtapty 21 kün oqysa, ädetke ainalady» dep, däiektı mysalmen keltırdı.
Odan bölek, J.Tölembekūly atqarylyp jatqan jūmystary men josparlary jönınde de söz qozǧap öttı. Al brifing soŋynda BAQ ökılderı tarapynan qoiylǧan sūraqtarǧa jan-jaqty jauap berdı.
Şymkent
