Búgin aqparattyq-kommýnıkaııalyq ortalyǵynda Shymkent qalasy Otbasy, balalar jáne jastar isteri jónindegi basqarmasynyń basshysy Jandos Qaltaevtyń qatysýymen 2020 jyl «Eriktiler jyly» aıasynda atqarylǵan jumystar men josparlar boıynsha brıfıng ótti.
Brıfıngte basqarma basshysy, eń aldymen, eriktiler jylyna baılanysty qala jastarynyń azamattyq belsendiligin damytýǵa jańa serpin beretin is-sharalar jospary ázirlengenin jetkizdi.
Atap aıtsaq – «Birgemiz» jalpyulttyq jobasy, Balalar úıleriniń tárbıelenýshilerine «Tálimger» jobasy, «Shymkent – qaıyrymdy qala» jobasy, «Jasyl jáne taza qala» jobasy, «Shymkent – TMD elderiniń mádenı astanasy», «Izgilikte jarysaıyq» jobasy jáne «Meıirim» jobalary.
J.Tólembekulynyń sózine súıensek, búginde Shymkent qalasynda 20-dan astam qoǵamdyq uıymdar eriktilikpen belsendi aınalysady. Al eriktiler sany – 3000-ǵa jýyq.
«Halyqtyń ártúrli jas toptaryn eriktilik qyzmetke tartý qajettiligin eskere otyryp, eriktilerdi qoldaý maqsatynda Shymkent qalasy «Jastar resýrstyq ortalyǵynyń» qoldaýymen «Shymkent volonterlar qaýymdastyǵy» quryldy. «Jarııa», «Meıirim», «Dobrıakı Shymkenta», «Volonter Shymkent», «ASSA», «Izgilikte jarysaıyq», «Blago darıý», «Lider.kz», «Jastar qýaty» 9 volonterlyq uıym – qaýymdastyqtyń quryltaıshylary. Al eriktilermen jobalardy úılestirý maqsatynda Jastar resýrstyq ortalyǵy janynan «Volonterlermen jumys júrgizý» bólimi ashyldy», – dedi J.Qaltaev.
Bul rette basqarma basshysy elimizdegi karantındik jaǵdaıǵa baılanysty jol kartasynda qarastyrylǵan keıbir is-sharalardy uıymdastyryp ótkizý múmkindigi bolmaı jatqanyn atap ótti. Sol sebepti volonterlyq jumystar tótenshe jaǵdaı kezeńindegi sharalarmen ulasqan.
Toqtalyp ótsek, aqparattyq-nasıhattaý jumystary men qaıyrymdylyq sharalary júrgizilgen. Iaǵnı, indettiń taralýyn aldyn alý maqsatynda áleýmettik 8 beınerolıkter jáne 20 túrli elektrondy flaerler daıyndalyp, áleýmettik jelilerge salynǵan. Al qaıyrymdylyq barysynda 7 245 az qamtamasyz etilgen otbasyǵa azyq-túlik, 333 otbasyǵa dári-dármek jáne 1 mıllıonnan astam betperde men antıseptık taratylǵan.
Osy oraıda jastardyń karantın ýaqytynda paıdaly kitap oqý mádenıetin qalyptastyrý maqsatynda «Úıde birge oqımyz» chellendji bastalyp, 3 kitap oqý talaby qoıylǵan. Bir aıǵa jalǵasqan bul chellendjde 3000 jas 9000 kitap oqyp, arnaıy jeńimpazdar anyqtalǵan. Atalǵan jalǵastyrý úrdisiniń paıdasyn Jandos Qaltaev: «Kitapty 21 kún oqysa, ádetke aınalady» dep, dáıekti mysalmen keltirdi.
Odan bólek, J.Tólembekuly atqarylyp jatqan jumystary men josparlary jóninde de sóz qozǵap ótti. Al brıfıng sońynda BAQ ókilderi tarapynan qoıylǵan suraqtarǵa jan-jaqty jaýap berdi.
Shymkent
