Ózbekstan prezıdenti Shavkat Mırzııaev 3 maýsymda ishki avtokólik naryǵyn damytý týraly qaýlyǵa qol qoıdy. Bul týraly respýblıkanyń ádilet mınıstrligi habarlady.
Qujatqa sáıkes, bıyl 1 tamyzdan bastap avtokólikterge akız salyǵy joıylady.
Qazir respýblıkada jeńil avtokólik ımportyna 30 paıyzdyq akız salyǵy alynyp júr. Reseıde, Qazaqstanda jáne Ýkraınada shyǵarylǵan jańa avtokólikterdiń akız salyǵy 2 paıyz dep belgilengen. Ózbekstanmen erkin saýda aımaǵy týraly kelisimge otyrǵan elderdiń avtokólikterine jeńildik qarastyrylǵan.
Qazir Ózbekstanǵa shetelden avtokólik ákelý úshin qosylǵan qun salyǵyn, (15%), keden jáne akız salyqtaryn tóleý kerek.
Autostrada saıtynyń málimeti boıynsha, akız salyǵy joıylǵan soń, Ózbekstanǵa shetelden ákelinetin avtokólik baǵasy kem degende 2400 dollar arzandaıdy.
Sentralasian.org