Búgin aqparattyq-kommýnıkaııalyq ortalyǵynda karantınge baılanysty 1 maýsymnan bastap qalamyzda iske qosylatyn nysandar boıynsha brıfıng ótti.
Brıfıngte eń alǵash sóz alǵan qala ákiminiń orynbasary Maqsut Isahov erteńnen bastap iske qosylatyn nysandar men shekteýlerdiń alynýy boıynsha baıandady.
– Shymkentte bıylǵy jyldyń 1, 4 jáne 11 mamyr kúnderi 3 kezeń boıynsha 6 912 nysan iske qosylyp, 166 myńnan astam adam jumysyna qaıta kirisken bolatyn. Al tórtinshi kezeń boıynsha 1 maýsymnan bastap 2 095 orta jáne shaǵyn bıznes nysandary qaıta iske qosylady. Iaǵnı, 33 myńnan astam jumysshy óz isine kirisedi degen sóz – dedi qala ákiminiń orynbasary.
Osy rette 1 maýsymnan bastap ruqsat etilgen nysandardy atap ótsek:
1. Azyq-túlik pen qajetti taýarlardy satatyn sýpermarketter, gıpermarketter jáne saýda jelileri jumys rejımi saǵat 21:00-ge deıin uzartýymen;
2. Qoǵamdyq tamaqtaný oryndary jáne jazǵy alańdar 50 adamǵa deıin saǵat 06:00-den 21:00 aralyǵynda (qudalyq, týǵan kún, mereı toılar jáne t.b. merekelik sharalardy atqarýsyz) 1 320 nysan (15 myń adam);
3. Jattyǵý zaly, fıtnes-ortalyqtar, saýnalar, SPA-salondar, jeke kabınalary bar monshalar. Jumys rejımi – saǵat 21:00-ge deıin, 95 nysan (600 adam);
4. Avtokólik jáne mal satatyn bazarlar, 4 nysan (50 adam);
5. Kórermenderdiń qatysýynsyz sporttyq jáne mádenı nysandar, 88 nysan (1,7 myń adam);
6. Bilim berý ortalyqtary, úıirmeler, daıyndyq toptary (15 adamǵa deıin ǵana qabyldaý arqyly), 59 nysan (2 myń adam);
7. Halyqqa qyzmet kórsetý jáne jumyspen qamtý ortalyqtary qalypty jumys rejıminde;
8. Janar-jaǵarmaı stanııalary janyndaǵy dúkender;
9. Mektepke deıingi uıymdardaǵy kezekshi toptar (20 baladan aspaıtyn) jáne Temirjol qatynastary qalpyna keltirilip, qalaaralyq blokpostylar alynady.
Sondaı-aq, 2 maýsymnan bastap avtovokzaldar men avtobeketter jumysyn qaıta bastaıdy. Al kınoteatrlar 15 maýsymnan bastap jumystaryna kirisedi.
Budan bólek, brıfıngte qala aýmaǵyndaǵy barlyq toptaǵy nysandar jumysyn tańerteńgi saǵat 6:00-21:00 aralyǵyndaǵy rejımde jalǵastyra alatyny belgili boldy. Saıabaqtar men skverler, alańdar men jaǵalaýlarda betperdelik rejım saqtala otyryp, shekteýsiz rejımge kóshedi. Osy rette barlyq iske qosylatyn kásipkerlik nysandar kúsheıtilgen sanıtarııalyq-dezınfekııalyq tártippen jumys isteıtinin aıta ketken jón.
Baspasóz májilisinde balabaqsha jaıy da sóz boldy. Bul máselege M.Isahov ruqsat berilgenin jetkizip, biraq balanyń ata-anasy tarapynan jumys isteıtini týraly anyqtama kerek ekenin aıtty.
Brıfıng barysynda Shymkent qalasy taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Almat Qosalıev sanıtarlyq normalar qatań saqtalýy kerek ekenin tilge tıek etse, «Azamattarǵa arnalǵan úkimet» Memlekettik koorporaııasy» Shymkent qalasy boıynsha fılıalynyń dırektory Danabek Isabekov qala turǵyndary HQKO-dan qyzmet alý barysynda onlaın brondaý júıesin qoldanýǵa shaqyrdy. Bul rette halyq, eń aldymen, óz ýaqytyn únemdeıtinin jetkizdi.
Brıfıng sońynda ózge de suraqtar qoıylyp, spıkerler tarapynan jan-jaqty jaýap berildi.
Shymkent
