Almaty oblysynda koronavırýs zıratyna jerlengender kóbeıdi. Al resmı málimet ózgermedi

3238
Adyrna.kz Telegram
Koronavırýstan qaıtys bolǵandar zıraty. Almaty oblysy, Qaraoı aýyly mańy. 29 mamyr 2020 jyl.

Qazir zırattyń musylmandyq ǵuryppen jerlengender jaǵynda - 18, hrıstıandyq ǵuryppen jerlengender jaǵynda 20 adamnyń beıiti jatyr. Al resmı derek boıynsha, Almaty qalasynda koronavırýstan qaıtys bolǵandar sany ózgermegen: Almaty qalasynda 10 adam koronavırýstan qaıtys bolǵan, Almaty oblysynda adam ólimi tirkelmegen.

Azattyq tilshisiniń habarlaýynsha, zıratqa jańadan jerlengenderdiń beıitine taqtatas ta qoıylmaǵan. Beıit basyndaǵy aǵash belgige 6 sannan turatyn nómir jazylǵan. Juma kúni beıit mańynda eshkim bolmady. Azattyq tilshisi 29 mamyrda túste resmı organdardan jaýap ala almady.

Qazaqstanda resmı derek boıynsha koronavırýstan qaıtys bolǵandar men vırýs juqtyrǵandar zıratyna jerlengender sany arasyndaǵy sáıkessizdiksońǵy birneshe kúnnen beri aıtyla bastaǵan. Buǵan deıin osyǵan uqsas jaǵdaı Shymkent jáne Nur-Sultan qalalarynda bolǵan.

Osy aptada densaýlyq saqtaý mınıstrlik ókilderi arnaıy zıratqa jerlengen keıbir adamdardyń ólimine koronavırýs ınfekııasy sebep bolǵan joq dep aıtqan edi. Almaty ákimdigi ókilderi de soǵan uqsas jaýapty qaıtalaǵan.

Sáýir aıynyń sońynda densaýlyq saqtaý mınıstrligi ár aımaqta koronavırýs juqtyryp qaıtys bolǵandardyń ólimin tekseretin komıssııa qurǵan. Olar marqumnyń ólimine koronavırýs áser etkenin ıa basqa sozylmaly derti sebep bolǵanyn anyqtaýy tıis. Komıssııa "koronavırýs marqumnyń ólimine janama túrde áser etken, negizgi ólimi sozylmaly dertten bolǵan" dep tapsa, qaıtys bolǵan adam resmı statıstıkaǵa enbeıdi. ​

Dúnıejúzilik densaýlyq saqtaý uıymy (DDSU) álem elderine qaıtys bolǵan adamnan COVID-19 anyqtalsa, basqa qandaı aýrýy baryna qaramastan marqumdy koronavırýstan kóz jumǵandar statıstıkasyna engizýdi usynǵan.

Qazaqstan densaýlyq saqtaý mınıstrliginiń 29 mamyrdaǵy resmı málimetinshe, elde 9932 adamnan koronavırýs tabyldy. 4900 adam dertten aıyqty. Al mınıstrliktiń koronavırýstan kóz jumǵandar statıstıkasyna engen 37 marqum myna aımaqtarda:

  • Almaty qalasy – 10
  • Shymkent qalasy – 6
  • Nur-Sultan qalasy – 6
  • Aqmola oblysy – 4
  • Qaraǵandy oblysy – 3
  • Pavlodar oblysy – 2
  • Shyǵys Qazaqstan oblysy – 1
  • Jambyl oblysy – 1
  • Qostanaı oblysy – 2
  • Mańǵystaý oblysy – 1
  • Túrkistan oblysy – 1
Pikirler