Keshe «Nur Otan» partııasy Shymkent qalalyq fılıalynyń tóraǵasy, qala ákimi M.Áıtenovtiń qatysýymen «Nur Otan» partııasy aktıviniń beınekonferenııa májilisi ótti. Jıyn barysynda Elbasy N.Nazarbaevtyń bastamasymen qurylǵan «Birgemiz» respýblıkalyq qoǵamdyq qorymen atqarylyp jatqan jumystar men QR Prezıdenti Q.Toqaevtyń tótenshe jaǵdaı kezinde halyqty áleýmettik qoldaý sharalary, partııa Tóraǵasynyń Birinshi orynbasary B.Baıbektiń Shymkentke jasaǵan issaparynda jáne QR Premer-mınıstri A.Mamınniń azamattardy qabyldaý kezinde bergen tapsyrmalarynyń oryndalý barysy talqylandy.
Májiliste sóz alǵan Shymkent qalasy ákiminiń orynbasary N.Ergeshbek tótenshe jaǵdaı kezinde kommýnaldyq qyzmetterdi jetkizýshilerdiń shyǵyndaryn óteýge 1,5 mlrd. teńge qarjy qaralǵanyn aıtty.
«Tótenshe jaǵdaı kezeńinde kommýnaldyq qyzmetter shyǵyndaryn óteý boıynsha búgingi tańǵa 17 586 azamattyń ótinimi maquldanyp, mamyr aıyna josparlanǵan 8 333 azamatqa tólengen. Qalǵan ótinimder boıynsha jumys júrgizilýde»,-dedi N.Ergeshbek.
Úkimet basshysy tapsyrmasynyń oryndalý barysyn baıandaǵan Ál-Farabı aýdany ákimi Ǵ.Máýlenqulov qaladaǵy №195 oram turǵyndary jyl sońyna deıin sapaly aýyzsýmen qamtylatynyn jetkizdi. Atalǵan oramda elektr jelileriniń qurylys-montaj jumystary tolyǵymen aıaqtalǵan. Endigi kezekte nysandy elektr qýatyna qosý jáne abonentteý jumystary júrgizilýde.
Al, órtke oranǵan M.Vodopıanova kóshesindegi №1a kópqabatty úıdiń qurylysy jóninde Abaı aýdanynyń ákimi B.Parmanov málimdedi.
Onyń aıtýynsha, tótenshe jaǵdaı kezinde 42 otbasy baspanasyz qalǵan. Múldem baspanasy bolmaǵan 22 otbasy jataqhanamen qamtylyp, qalǵany týystaryna jaıǵastyrylǵan. Al 25 otbasyǵa 1 mln teńgedeı qarjylaı kómek kórsetilgen. Qazir 5 qabatty turǵyn úıdiń qurylysy júrgizilýde, qyrkúıekte tolyǵymen paıdalanýǵa beriledi dedi.
Aktıv otyrysynda Qarataý aýdanynyń ákimi A.Áliqulov «Tasken», «Azat» shaǵynaýdandaryndaǵy ınjenerlik kommýnıkaııalyq júıeler qurylysynyń barysyn aıtyp ótti.
Aýdan ákimderiniń baıandamasyn tyńdaǵan qala basshysy atqarylyp jatqan jumystardyń óz merziminde jáne sapaly aıaqtalýyn qatań eskertti.
Budan bólek, jıynda sóz alǵan «Nur Otan» partııasy Shymkent qalalyq fılıaly tóraǵasynyń birinshi orynbasary B. Narymbetov «BizBirgemiz» respýblıkalyq akııasy men «Birgemiz» qoǵamdyq qory aıasynda atqarylǵan jumystardy baıandady.
«Birgemiz» respýblıkalyq qoǵamdyq qorynan 40 myńnan asa qala turǵynynyń jeke esepshottaryna 50 myń teńgeden jalpy 2,8 mlrd teńge qarajat aýdaryldy. Al «BizBirgemiz» akııasy aıasynda 8 myńnan asa otbasy azyq-túlik jıyntyǵymen qamtamasyz etildi jáne 1 mln maska tegin taratyldy. Qaladaǵy sý basý apatynan zardap shekken «Eltaı» eldimekenindegi 60 otbasyǵa azyq-túlikpen gıgıenalyq zattar taratyldy»,-dedi B.Narymbetov.
Onyń aıtýynsha, «BizBirgemiz-Maqtaaral» akııasy aıasynda sý tasqynynan zardap shekken Maqtaaral turǵyndaryna Shymkent qalasynan 127 tonna azyq-túlik, gıgıenalyq zattar, 5100 azamatqa aıaq kıim men tósek oryndar, 400 dana kilem jóneltilgen. 20 úıdiń qurylysy júrýde. Jalpy 81 mıllıon teńge kóleminde qarjylaı kómek berildi.
QR Prezıdenti Q.K.Toqaevtyń tapsyrmasymen ázirlengen «Jumyspen qamtýdyń jol kartasy» baǵdarlamasynyń iske asyrylýyna partııalyq baqylaý ornatyldy. Baǵdarlamany júzege asyrýǵa respýblıka boıynsha 1 trln.teńge qarjy josparlanyp, onyń ishinde Shymkent qalasyna 45,3 mlrd.teńge bólindi.
Jospar boıynsha 224 ınvestıııalyq jobalarda qalada 8380 jumys oryndary qurylady. Búgingi kúnge 190 jobada 2 641 jumys oryndary ashylyp, jumyspen qamtý ortalyǵy arqyly 1 036 adam jumyspen qamtylǵan.
Fılıal tóraǵasy atqarylǵan jumystardy qorytyndylap, partııa belsendilerine Elbasy tapsyrmalary men júktelgen mindetterdi sapaly ári ýaqtyly oryndaýdy tapsyrdy. Sonymen qatar, «BizBirgemiz» respýblıkalyq akııasy arqyly halyqtyń áleýmettik az qorǵalǵan tobyna erikti demeýshilik kórsetetin kásipkerlerdi tarta otyryp, Shymkent qalasynda qaıyrymdylyq jumystaryn odan ári jandandyrý kerektigin basa aıtty.
Shymkent
