Shymkent: UBT tapsyrýǵa 7 myńǵa jýyq túlek onlaın ótinish berdi

2200
Adyrna.kz Telegram

Búgin Shymkent qalasynyń ákimi M.Áıtenovtiń tóraǵalyǵymen Ulttyq biryńǵaı testileýge daıyndyq barysy boıynsha onlaın rejımde jıyn bolyp ótti.
UBT tapsyrý kezinde mektep túlekteriniń densaýlyǵy basty nazarda ekenin aıtqan qala basshysy testileý ótkizý kezinde sanıtarlyq talaptar men sanıtarlyq-epıdemıologııalyq sharalardy kúsheıtýge aıryqsha nazar aýdarýdy tapsyrdy.
Jıynda Ulttyq biryńǵaı testileýdiń daıyndyq barysy týraly baıandaǵan bilim basqarmasynyń basshysy J.Tajıeva bıylǵy 2019-2020 oqý jylynda bitirýshi 8 885 túlektiń 6 799-y UBT tapsyrýǵa ótinish bildirgenin málim etti.


«Elimizdegi tótenshe jaǵdaıǵa baılanysty UBT-ǵa ótinishterdi qabyldaýdyń formatyna ózgerister engizildi. Iaǵnı, oqýshylarymyz aǵymdaǵy jyldyń sáýir aıynyń 15-nen bastap mamyr aıynyń 10-y kúni aralyǵynda UBT-ǵa ótinishiterin onlaın tirkedi. Al, testileý qaladaǵy tórt joǵary oqý oryndary janynan qurylǵan Ulttyq biryńǵaı testileý ortalyqtarynda ótkiziledi»,-dedi basqarma basshysy.
Aıta keteıik, bıylǵy jyly UBT tapsyrý formaty ózgerissiz qala beredi. Iaǵnı, Ulttyq biryńǵaı testileý burynǵysha 2 bloktan turady.
Birinshi blokta 3 mindetti pán, árqaısysy 20 tapsyrmadan. Atap aıtqanda: matematıkalyq saýattylyq, oqý saýattylyǵy jáne qazaqstan tarıhy . Al ekinshi blokta 30 tapsyrmadan bolatyn 2 beıindi pán bolyp tabylady. Testileý ýaqyty - 3 saǵat 50 mınýt, maksımaldy ball – 140.
Jıyndy qorytyndylaǵan Murat Dúısenbekuly testileý kezinde balalardyń qaýipsizdigi úshin árqaısysynyń saqtyq sharalaryn ustanýyn qadaǵalaýdy aıtyp, birqatar sala jetekshilerine UBT-ǵa daıyndyqty kúsheıtý boıynsha naqty tapsyrmalar júktedi.

Shymkent 

Pikirler