«Qyryqqabatty kómýge 2 mlrd teńge jumsaǵan Úkimette fantazııa joq»

5059
Adyrna.kz Telegram
Qazaqstannyń alǵashqy premer-mınıstri bolǵan Sergeı Tereenko munaıdy azyq-túlikpen almastyratyn ýaqyt jetkenin aıtty.
«Qazaqstannyń agroónerkásiptik keshenin damytýdyń bolashaǵy» týraly onlaın-konferenııada omartashylar odaǵynyń prezıdenti Sergeı Tereenko Qazaqstandaǵy azyq-túlik ónimderin óndirý, saqtaý jáne ony ishki/syrtqy naryqtarǵa satý júıesine tómen baǵa berdi. Kezinde mınıstrler kabınetin basqarǵan Tereenko Úkimet bul júıeni ábden quldyratyp jibergenin de moıyndady.

Onyń aıtýynsha, 300 myń tonna qyryqqabatty ishki naryqqa ótkize almaǵan Úkimet shirip ketken ónimdi kómý úshin 2 mlrd teńge qarjy jumsaǵan.

«Óndirý jáne satý naryqtarynyń júıesin jaqsylap turyp bir izge túsirý kerek. Júıeniń teristigin mynadan baıqaýǵa bolady: jýyrda ońtústikte 300 myń tonna qyryqqabat buzylyp ketti. Ony kómý úshin Úkimet 2 mlrd dollar bóldi. Qyryqqabatty ákelip, elimizdiń basqa qalalaryna tegin taratýǵa eshkimniń fantazııasy jetpedi», - deıdi Tereenko.

Eks-premer ázirge elimizde ósirý-saqtaý-satý júıesinde ótkizý máselesi durys jolǵa qoıylmaǵanyn aıtty.

«Meniń Túrgende turatyn dosym bar, óz aýlasynda qulpynaı ósiredi, óte dámdi. Iaǵnı, shaǵyn fermerlerdiń ózi kez kelgen aýyl sharýashylyq ónimin ósire alady. Qazir Qazaqstan úshin ony saqtaý, satý mańyzdy. Mysaly, biz bal shyǵaramyz. Sultanov myrza (Saýda jáne ıntegraııalar mınıstri Baqyt Sultanov – avt.) alsyn da, baldy sol satsyn. Bizdiń saýda-sattyqtaǵy standarttarymyz álemdik standartqa jatady. Iaǵnı, qazir álem boıynsha munaı baǵasy túsken kezde, Qazaqstan munaıdy nemen almastyrý kerek ekenin túsiný kerek. Al, munaıdyń ornyna biz aýyl sharýashylyǵy ónimderiniń kóp túrin sata alamyz», - dedi ol.

Qazaqstannyń aýyl sharýashylyǵy ónimderin saqtaý jáne satý naryǵy 90-shy jyldary «Qazaqstannyń tutyný odaǵy» sııaqty qurylymdardan bastalǵan. Sergeı Tereenko ózi premer-mınıstr bolǵan kezde Úkimet bul júıeni nazarynan tys qaldyryp aldy deıdi. Endigi mindet – ol júıeni qazirgi zamannyń talabyna saı qaıta jasaý.

Sergeı Tereenko 1991-1994 jyldar aralyǵynda táýelsiz Qazaqstannyń alǵashqy premer-mınıstri qyzmetin atqardy. Qazir ol saıasattanýshy, resmı túrde omartashylar odaǵynyń prezıdenti.

Esterińizge sala keteıik, 28 sáýirde Túrkistan oblysynyń ákimi Ómirzaq Shókeev aımaq sharýalary 250 myń tonna oramjapyraqty ótkize almaı otyrǵanyn aıtyp, kómek suraǵan.

Kenjekeı Toqtamurat,

Nur-Sultan

Pikirler