Tóle bı aýdany Ekpindi aýylynda Qasqasý ózeniniń sý deńgeıi kóterilýine baılanysty tórt jeke úı men 15 aýlany sý basqan. Joǵarǵy aýylynda tórt avtomobıl kópirin sý qıratyp ketken.
Shymkenttiń Eńbekshiqazaq aýdany Eltaı yqshamaýdanynda Tóle bı aýdanynan keletin aryqtardan sý tasyp, 60 aýlany sý basyp qalǵan. Qutqarýshylar, polıeıler jáne jergilikti atqarýshy organ qyzmetkerleri turǵyndardy Toǵys aýylyndaǵy №120 jáne №119 orta mektepterine evakýaııalaǵan.
Sý sorý jáne aryqtardy mehanıkalyq tazalaý jumystary júrip jatyr. Jedel shtab qurylǵan.
Otyrar.kz basylymynyń málimetinshe, Eltaı turǵyn úı massıvinde 150 turǵyn evakýaııalanǵan, shamamen 150 turǵyn týystarynyń úıin panalaǵan. TJD mobıl toptary eldi meken turǵyndaryn dybys zoraıtqyshpen evakýaııa týraly habardar etti.
"Úı aýlalaryndaǵy sý deńgeıi - 20-50 santımetr. Qazirgi ýaqytta sý aǵyny sekýndyna 3-5 tekshe metr", - delingen habarlamada.
Basylymnyń málimetinshe, Tóle bı aýdanynda TJ ornyna aýdan ákimi Baýyrjan Omarbekovtiń bastamasymen qurylǵan jumys toby jetken. Kópirlerdi qalpyna keltirý jumystary júrip jatyr.
Shymkent mańyndaǵy Sultan Rabat aýylynda da sý deńgeıi kóterilgen, joldardy sý basqan. Bul týraly kýágerler habarlap jatyr. Osyndaı jaǵdaı Leńgirde de bolyp jatqany aıtylady. Al Qazyǵurt aýdany Jigergen aýyldyq okrýginde úılerdi sý basqan.
