2 mamyr 2020 jyly Qazaq fılologııasy jáne álem tilderi fakýlteti shetel tiliderin oqytý ádistemesi kafedrasynyń uıymdastyrýymen «Qazaqstan – halyqtar dostyǵynyń mekeni, halyqtar dostastyǵy – rýhanı jańǵyrýymyzdyń tetigi» atty is-shara Zoom platormasynda uıymdastyryldy.
Basqosýdyń maqsaty – Qazaqstan Respýblıkasyndaǵy halyqtardyń yntymaqtastyqpen, birlikpen, teń quqyqpen ómir súrip jatqandyǵyn jáne ony úlgi etip, halyqtar dostyǵyn nyǵaıtý bolyp tabylady.
Bul sharaǵa Qyzdar ýnıversıtetiniń Qazaq fılologııasy jáne álem tilderi fakýltetiniń dekany, professor Qıynova J.K., ýnıversıtettiń «Rýhanı jańǵyrý» Jobalyq keńesiniń jaýapty úılestirýshisi Baıtasheva G.Ó., shetel tilderin oqytý ádistemesi kafedrasynyń meńgerýshisi Jalalova A.M., Almaty qalasynyń JOO oqytýshylary men stýdentteri qatysty.
Bul sharany Qazaq fılologııasy jáne álem tilderi fakýlteti shetel tilderin oqytý ádistemesi kafedrasynyń meńgerýshisi Jalalova A.M. ashyp berdi. Odan ári Qazaq fılologııasy jáne álem tilderi fakýltetiniń dekany, professor Qıynova J.K. quttyqtaý sóz sóıledi.
Is-shara barysynda elimizde turatyn basqa ult ókilderiniń Qazaqstanǵa rızashylyqtaryn bildirgen vıdeolary kórsetildi. Osy oraıda, Qazaqstanda turatyn ırandyq azamat Shahram Fakıq Naserı óziniń vıdeosynda elimizde kóp jyldan beri ashyq aspan astynda tatý-tátti turyp jatqandyǵyn, qazaq halqynyń meımandostyǵyn, mádenıettiligin, ónerli halyq ekenin maqtan tutyp, Qazaqstan halqynyń birligi kúnimen quttyqtady.
Sondaı-aq osy sharaǵa qatysqan Qazaq ulttyq qyzdar pedagogıkalyq ýnıversıteti, Ál Farabı atyndaǵy Qazaq ulttyq ýnıversıteti jáne Qanysh Sátbaev atyndaǵy Qazaq ulttyq tehnıkalyq ýnıversıtetinde oqıtyn ár túrli ult stýdentteri Qazaqstanda bilim alyp jatqandyǵyn qýana aıtyp, el halyqtarynyń birligi men yntymaqtastyǵynyń jarasqanyn, bir shańyraqtyń astynda tatý-tátti ómir súrip, halyqtar dostyǵynyń myzǵymastyǵyn qazaq tilinde maqtanyshpen baıandap berdi.
R.K. Sadyqova
