Búgingi kúnge "álemdi alańdatqan syndarly sátter" dep baǵa berer edik. Buǵan sebep, tilsiz jaý, alapat kesel, jarasyna daýa tabylmas, jar astynan lap qoıǵan dushpandaı paıda bolǵan - koronavırýs. Koronavırýstyń kenetten jasaǵan keleńsizdigi álem jurtshylyǵyn qıyndyqqa dýshar etti. Tipti álemniń ozyq ǵalymdary da koronavırýstyń qaıdan shyqqanyn, qaıdan kelgenin, oǵan shaldyqqan adamnyń qalaı jazylyp shyǵatyny týraly kesip eshteńe aıta almady. Álem elderine ǵana emes, bul dert kók baıraqty, túbi túrik qazaq dalasyna da engenin ózegimizdi ot qarysa da, moıyndaımyz. Tutqyıyldan kelgen koronavırýstyń aldyn alý sharasy retinde el prezıdenti Qasym-Jomart Toqaev myrza tótenshe jaǵdaı jarııalady. Koronavırýsty buǵattaýdyń joly - "karantın" dedi.
Koronavırýs degen qyzyl ottyń bir ushqyny bilim salasyna da keselin tıgizdi. "Úıde bolyńdar!",- dep ún qatqan soń, shákirt bitken úıine qaıtty. Degenmen, bilim alýdy jalǵastyrý basty paryzy ekenin umytpady. "Qashyqtyqtan oqytý úderisine kóshemiz"- degen usynys aıtty Bilim jáne ǵylym mınıstri Ashat Aımaǵambetov. Karantın ýaqytynda bul oń, ári tıimdi sheshim boldy. Ustazdar shákirtin bilim nárimen sýsyndatýyn jalǵastyrdy, al shákirt bilim alýyn jalǵastyryp, sanasyn jetildirdi. "Oqý- ınemen qudyq qazǵandaı",- deıdi. Bilimniń basy beınet bolsa da, aıaǵy zeınet, qashyqtyqtan bilim alý osyndaı qıyn-qystaý kezdegi ońtaıly sheshim dep bilemin. 21 ǵasyrdyń talabyna saı ozyq tehnologııalardyń paıdasy osynaý aýyr shaqqa, bilimniń turalap qalýyna jol bermedi. Bul karantın bilim salasynyń kez kelgen jaǵdaıǵa daıyn ekenin kórsetip berdi. Qorytyndylaı kele "Bilim alý úshin kez-kelgen ádis tıimdi". Osynaý qıyndyqqa toly ótpeli kezeńdi de bilimniń týyn qulatpaı eńsereıik!
Ál-farabı at. QazUÝ oqytýshysy:A.S.Aýshenova "Adyrna" ulttyq portaly
