Bıyl Shymkentte 88 kóp qabatty úı salynady. Qazirdiń ózinde Turan shaǵyn aýdanynda 42 kóp qabatty turǵyn úıdiń qurylysy bastalǵan. Budan bólek, taǵy 26 turǵyn úıdiń jobasy ázirlenip jatyr. Onyń ishinde 16 qabatty 4 úı, 8 qabatty 12 úı, 9 qabatty 15 úı bar. Olardyń jobasy saraptamadan mamyr aıynda ótedi dep josparlanǵan. Munan ózge 20 kópqabatty úıdiń jobalyq smetasyn ázirleýge baıqaý jarııalanyp, merdiger mekeme anyqtalǵan. Jalpy jyl sońynda deıin Turan shaǵyn aýdanynda 88 úıdiń qurylysy bastalady. Bul jóninde qurylys basqarmasynyń basshysy Erbol Ahmetov qala ákimi Murat Dúısenbekovtiń aldynda baıandady.
«Qazirde Turanda «Otaý stroı», «ART qurylys», «AQ ordasy» sekildi 7 merdiger mekeme qurylys jumystaryn júrgizip jatyr. Búginde irgetas shuńqyry qazylyp, betondaý jumystary júrip jatyr»-dedi ol.
Irgetasy qalanyp jatqan árbir úıdiń qurylysyn aralap kórgen Murat Dúısenbekuly jumys qarqynyna kóńili tolmaıtynyn ashyp aıtty. Qurylysshylar sanyn kóbeıtip, jumys qarqynyn kúsheıtýdi talap etti. Salaǵa jaýapty basshylarǵa baqylaýdy kúsheıtýdi tapsyryp, aptasyn eki ret esep alatynyn eskertti.
Shymkent
