Memleket basshysy Qasym-Jomart Toqaev qazaqstandyqtardy Qazaqstan halqynyń birligi kúnimen quttyqtady, dep habarlaıdy akorda.kz.
Memleket basshysy Qasym-Jomart Toqaevtyń Qazaqstan halqynyń birligi kúnimen quttyqtaýy
Qurmetti otandastar!
Barshańyzdy Qazaqstan halqynyń birligi kúnimen quttyqtaımyn!
Bul mereke qasıetti jerimizdi mekendeıtin ár adam úshin asa qymbat.
Egemen elimizdegi barlyq etnıkalyq top ókilderi birtutas Qazaqstan halqyn quraıdy. Biz dostyq pen yntymaqtyń, tatýlyq pen turaqtylyqtyń arqasynda zor jetistikke jettik. Beıbitshilik pen qoǵamdyq kelisim – baǵa jetpes baılyǵymyz.
Bul qundylyqtar Tuńǵysh Prezıdentimiz – Elbasy N.Á.Nazarbaev negizin qalaǵan jańa Qazaqstannyń strategııalyq baǵyt-baǵdarynyń ózegine aınaldy.
Biz bir el, birtutas halyq bolyp táýelsizdigimizdi nyǵaıttyq. Halyqaralyq qoǵamdastyqtaǵy abyroı-bedelimizdi arttyrdyq.
Bıylǵy Birlik kúniniń mán-mańyzy erekshe. Búginde Qazaqstan búkil álemge taraǵan koronavırýs pandemııasymen kúresýde. Jahandyq ekonomıkalyq daǵdarystyń saldaryn halqymyz da sezinip otyr.
Bizdiń birligimiz bekem, maqsatymyz ortaq, rýhymyz asqaq. Sonyń arqasynda kez-kelgen qıyndyqty jeńip, jasampazdyq pen órleý jolynda jańa belesterdi baǵyndyramyz dep senemin.
Sizderge myqty densaýlyq, baq-bereke jáne tolaıym tabys tileımin!
Biz birgemiz!
