Qazaqstandaǵy tótenshe jaǵdaıǵa baılanysty memleket basshysy Qasym-Jomart Toqaevtyń quzireti artatyn boldy. Bul týraly Májilis depýtattarynyń otyrysynda talqylandy, - dep habarlaıdy zhasalash saıty.
QR Ulttyq ekonomıka mınıstri Rýslan Dálenov tótenshe jaǵdaı týraly zańǵa 14 baǵyt boıynsha jańartýlar engizilgenin málim etti.
«Bul banktik, salyqtyq, bıýdjettik, kedendik, memlekettik satyp alý jáne taǵy basqa baǵyttar. Elimizde tótenshe jaǵdaı kezinde osy salalardaǵy retteý sharalary erekshelikke ıe bolady. Sebebi atalǵan salalar elimizdiń ekonomıkasyna tikeleı áser etedi. Sondyqtan olardy qadaǵalaýǵa tıisinshe kóńil bólý kerek»,-dedi mınıstr.
Atalmysh zań jobasyna sáıkes, el prezıdenti tótenshe jaǵdaı kezinde qajet bolǵan jaǵdaıda qıyndyq týǵyzǵan kez kelgen máselege aralasa alady. Bul memlekettiń ekonomıkalyq qaýipsizdigi úshin mańyzdy. Ulttyq ekonomıka mınıstri TJ kezinde qabyldanǵan zań aktileri rejım aıaqtalǵansha zańdyq kúshke ıe ekenin atap ótti.
"Adyrna" ulttyq portaly
