Janpeıisovtiń advokaty Zakır Asadov belsendi taǵylǵan aıypty moıyndamaǵyn aıtady. Onyń sózinshe, sotta "belsendiniń quqyqtary shektelgen". Advokatty "ispen tanystyrmaǵan, isti qaraý kezinde sóz berilmegen. Aıyptalýshy taraptyń talap-tilekteri eskerilmegen".
Sotqa Janpeıisov Shymkenttegi túrmeden qatysqan. Endi ol burynǵy 35 táýlikke 5 táýlik qosyp, 40 táýlik jazasyn óteýge tıisti.
14 sáýir kúni Shymkent qalalyq mamandandyrylǵan aýdanaralyq ákimshilik soty belsendi Rýslan Janpeıisovti "Shymkent qalasy bas sanıtarynyń karantın týraly qaýlysyn buzǵany úshin" aıypty dep taýyp, 35 táýlikke qamaǵan edi.
Janpeıisov Ákimshilik kodekstiń "Tótenshe jaǵdaı rejımin buzý" babymen - 10 táýlikke, "Tótenshe jaǵdaı kezinde quqyqtyq tártipti buzýǵa ıtermeleıtin áreketter" babymen 25 táýlikke qamalǵan.
Qalalyq sot "Shymkenttiń bas sanıtary karantın kezinde asa zárý bolmasa qalada kólikpen ne jaıaý júrýge tyıym salǵanyna qaramastan Janpeıisov 12 sáýir kúni saǵat 20:40-ta turǵylyqty jeri men jumys ornynan bólek kóshede jeke kóligimen júrip, tótenshe jaǵdaı kezindegi erejeni buzǵan. Ol tikeleı efır arqyly karantın kezinde engizilgen tártipke qarsylyǵyn bildirip, jaǵymsyz pikirin aıtyp arandatqan, polıııa jumysyna kedergi keltirgen" dep habarlaǵan.
Budan buryn Janpeıisov Facebook paraqshasynda birneshe jazba men tikeleı efırde túsirgen vıdeo jarııalaǵan. Onda belsendi karantın talabyn buzbaǵanyn, júrýge ruqsat qaǵazy bolsa da polıııa sebepsiz bir saǵat blokpostta ustaǵanyn aıtqan.
Belsendiniń týystarynyń sózinshe, túrmede jatqan Janpeıisovpen kezdesýge, tamaq jáne kıim-keshek jetkizýge tek anasyna ruqsat berilgen.
13 qańtarda Shymkenttegi ál-Farabı aýdandyq soty polıeılerdiń áreketin vıdeoǵa túsirip tanylǵan belsendi Janpeıisovtiń ústinen qozǵalǵan qylmystyq isti qaraı bastaǵan. Onda jábirlenýshi retinde Shymkent qalasynyń turǵyny Pirim Musaev pen qalalyq polıııa departamentiniń ınspektory Marat Qýandyqov tanylǵan. Belsendiniń sózinshe, Musaevqa "kólik júrgizip kele jatqanda qaýipsizdik beldigin taǵýdy umytqanyn aıtqany" úshin aıyptalǵan. Al jol júrý erejesin buzǵan júrgizýshini vıdeoǵa túsirmek bolǵanda Qýandyqov kedergi etken. Sot proesi áli aıaqtalmaǵan.
2017 jyldyń qyrkúıeginde Shymkenttegi Abaı aýdandyq soty Rýslan Janpeıisovtiń bas bostandyǵyn eki jarym jylǵa shektegen. Sot ony Qylmystyq kodekstiń "Aqparatty jasyryp alýdyń arnaıy tehnıkalyq quraldaryn zańsyz daıyndaý, jasaý, ıemdený, ótkizý nemese paıdalaný" jáne "Qoǵamdyq birlestikter músheleriniń memlekettik organdardyń qyzmetine zańsyz aralasý" babymen aıypty dep tanyǵan.
"Azattyq" radıosy
foto avtory Dılara Isa
