Aqmola oblysynda 8,7 mlrd.teńge bolatyn 57 joba maquldandy

2561
Adyrna.kz Telegram

«Búgingi tańda, Aqmola oblysynda «qarapaıym zattar ekonomıkasynyń» portfeli 35,7 mlrd.teńgege óńdeý ónerkásibiniń, AÓK salasynyń 78 jobasynan turady, onyń ishinde 8,7 mlrd.teńge somasyna 57 joba maquldandy. Ol týraly ekonomıka jáne bıýdjettik josparlaý basqarmasynyń basshysy Qanat Dúzelbaev ákimdiktiń otyrysynda baıandady» — dep habarlaıdy Aqmola oblysy ákiminiń baspasóz qyzmeti.

Aǵymdaǵy jyly ındýstrııalandyrý baǵdarlamasy boıynsha 826 turaqty jumys ornyn ashý arqyly 64 mlrd.teńge somasyna 12 jobany iske qosý josparlanýda.

Kásipkerlerdiń iskerı belsendiligin qoldaý úshin, «Bıznestiń jol kartasy 2025» baǵdarlamasynyń sheńberinde 4,7 mlrd. teńge bólindi (2019 jyly — 2,1 mlrd. teńge).

4 mlrd.teńge kredıt somasyna 45 jańa joba boıynsha sýbsıdııalaý bastaldy, 299,3 mln. teńge somasyna sýbsıdııa tólendi, 86,8 mln.teńgege 15 kredıt kepildendirildi.

«Agrarlyq kredıttik korporaııa» AQ qaraýynda 285 mln.teńge somasyna 6 joba bar, jobalyq ofıstiń jumysynda — 26,7 mlrd.teńgege 15 joba.

Aǵymdaǵy jylǵy 1-toqsannyń qorytyndysy boıynsha negizgi kapıtalǵa ınvestıııalar 1,9 esege ulǵaıyp, 75 mlrd.teńgeni qurady, alaıda 5 aýdanda — Jarqaıyń, Arshaly, Atbasar, Egindikól jáne Shortandy aýdandarynda ınvestıııanyń tómendeýi atap ótildi.

Óńir basshysy aýdandar men qalalardyń ákimderine, oblystyq basqarmalardyń basshylaryna IIDMB sheńberinde ınvestıııalyq jobalardyń oryndalýy men iske asyrylýyn baqylaý; óndiris ósiminiń qarqynyn saqtaý; ShOB jumys isteıtin sýbektileriniń sanyn arttyrý; óńdeý kásiporyndarynyń óndiristik qýattarynyń júktelýin qamtamasyz etý qajettiligi týraly atap ótti.

«Qurylys jumystary kólemderiniń oń serpinin, turǵyn úılerdi ýaqytynda paıdalanýǵa berýdi, sondaı-aq kóktemgi-dala jumystaryn sapaly júrgizýdi, ártaraptandyrý sheńberinde alqaptardy ulǵaıtýdy jáne mal sharýashylyǵyn damytý kórsetkishterin oryndaýdy qamtamasyz etý boıynsha shara qoldanýdy tapsyramyn», — dep atap ótti Ermek Marjyqpaev.

"Adyrna" ulttyq portaly

Pikirler