Koronavırýssyz Tájikstanǵa DDSU ókilderi tekserý júrgizbek

2242
Adyrna.kz Telegram

Bıyl Tájikstanda 5023 adam pnevmonııamen aýyrǵan. Bul - 2019 jyldyń osy ýaqytyndaǵy kórsetkishten az. Byltyr 5192 adam pnevmonııamen aýyrǵan. Bul týraly "Adyrna" Cenral Asian-ǵa silteme jasap habarlaıdy.

Tájikstannyń densaýlyq saqtaý mınıstrligi osyndaı statıstıkalyq málimetti jarııalady. Eldegi adam quqyǵyn qorǵaýshylar koronavırýs pandemııasy kezinde eldegi jaǵdaı týraly málimet berýin úkimetten suraǵan.

Sheneýnikterdiń aıtýynsha, elde týberkýlezben aýyrǵandar sany tómendegen: 2019 jyldyń alǵashqy toqsanynda 1218 naýqas tirkelse, bıyl 1137 adam týberkýlezge shaldyqqan. Jýrnalıster bılik jarııalaǵan aqparatta atalǵan aýrýlardan qaıtys bolǵandar týraly málimet kórsetilmegenine nazar aýdardy.

Tájikstannyń densaýlyq saqtaý mınıstrliginiń málimdeýinshe, elje "pnevmonııa belgileri baıqalǵan naýqastardy tekserý júrip jatyr".

Adam quqyqtaryn qorǵaýshylar úkimetke pnevmonııadan elde qansha adam qaıtys bolǵany týraly málimet suratqan. Mysaly, Dýshanbede prokýratýra qyzmetkeri pnevmonııadan kóz jumdy. Biraq bılik prokýror shoshqa tumaýymen aýyrdy deıdi.

Soǵdy oblysy Jabbar-Rasýlov aýdanynyń aýrýhanasynda kem degende jeti naýqas pnevmonııadan qaıtys boldy. Olardyń barlyǵy aýrýhananyń juqpaly aýrýlar bóliminde emdelgen.

Tájikstan bıligi elde koronavırýs joq dep málimdeýmen keledi. Soǵan baılanysty jaqynda respýblıkaǵa Dúnıejúzilik densaýlyq saqtaý uıymynyń arnaıy mıssııasy kelip, tájik bıliginiń resmı málimetin tekseredi.

Cenral Asian

Pikirler