Belgılı käsıpker Marǧūlan Seisembai qoǧam belsendısı Mūhtar Taijanǧa hat jazdy.
Mūhtar Taijanǧa hat!
Qymbatty Mūhtar, qoǧamymyzdy jaqsartuǧa barynşa tyrysyp, öz ülesıŋdı qosyp jürgenıŋdı eskerıp, būl postty müldem jariialaǧym kelmegen.
Barlyǧy ekeuara şeşılgenın qalap edım, bıraq, ökınışke orai, sen öz äreketterıŋmen maǧan basqa taŋdau qaldyrmai otyrsyŋ. Votsap jelısınıŋ toptarynda menıŋ eskı videomdy, subsidiialar körsetılgen excel kestelerdı, anekdot jäne özge de dünielerdı taratyp jürgen men emes deitın şyǧarsyŋ? Osy erkektık pe, aitşy? Tıptı, soǧystyŋ özınde moraldık ūstanymdar bolady. Jaraidy, senı synaityn men emes.
Senıŋ renışterıŋdı bılıp, kelısımge kelıp, osy jaǧdaidyŋ aldyn alu üşın senımen kezdesuge bırneşe ret äreket jasadym, bıraq, sen barynşa qaştyŋ. (Skrinşottar saqtauly). Senıŋ aldyŋdaǧy kınäm qandai? Senen görı tanymal bolyp ketkenım be? Eş sebebın taba alar emespın, men saǧan ünemı erekşe jaqsy közqaraspen qarauşy edım. Ärdaiym öz tanystaryma senı maqtaitynmyn.
Nege sen tura qazır maǧan bas salǧanyŋdy tüsınbedım, ädettegıdei, haip jasap, menıŋ esebımnen öz abyroiyŋdy köterıp, özıŋnıŋ "saiasi bäsekelesıŋnıŋ" közın qūrtqyŋ keldı me älde būrynǧy ädet boiynşa senı taǧy satyp aldy ma?
Bırınşı ret senı FB-te baiqadym. Ol kezde sen maǧan el taǧdyrynyŋ şyn janaşyry bolyp körıngen edıŋ. Kezdesude sen maǧan bırıgıp, piiaz biznesımen ainalysudy ūsyndyŋ. Senı qoldaudy jön körıp, 50/50 tabyspen piiaz satyp aluǧa 95 000$ investisiia qūidym. Piiaz biznesınde tolyqtai küiıp, öz aqşamdy joǧalttym. Sen menen aqşa aldyŋ, bıraq, keiınırek belgılı bolǧandai, Şengeldı massivı fermerlerı senen öz aqylaryn almaǧanyn aitty. Keiın sen maǧan olarmen sottasyp, sotty jeŋıp şyqqanyŋdy jazǧan bolatynsyŋ. Senıŋ sözıŋe senıp, ärı qarai özıŋmen aralasa berdım.
Būl menıŋ kezektı ülken qatelıgım bolypty!
2016 jyldyŋ säuır aiynda eldı jerge qatysty mitingter tolqyny öttı. Halyq jerdı şeteldıkterge satpaudy talap ettı. Sen būl mäselege belsendı aralasyp, menen kömek sūradyŋ. Barlyq aqşaŋdy piiaz biznesınde joǧaltyp, Amerikadaǧy balaŋnyŋ oquy aqysyn töleuge, otbasyŋdy qamtuǧa qarajatyŋ joq ekenın aittyŋ. Sonda men saǧan sen jerge qatysty sūraqtarmen ainalysuyŋ üşın kömek beremın dedım.
23 säuırde FB jariialaǧan postyŋdaǧy testtıŋ bırınşı – Jer mitingılerı kezınde men ne ıstedım? degen sūraǧyna bırden jauap bereiın.
- Jer mitingılerı kezınde men halyq müddesın qorǧap jürgen belsendı Jer komissiiasynyŋ jūmysyna qatysyp, mitingte qabyldaǧan şeşımderdı jüzege asyrsyn dep, onyŋ otbasyn asyrap, ūlynyŋ Amerikadaǧy oquynyŋ aqysyn tölep tūrdym.
Ärı qarai. Jerge qatysty sūraqtar aitarlyqtai köp bolmaǧan soŋ, menen özıŋe basqa da mäseleler men mındetterdı tapsyrudy sūradyŋ.
Jasyratyny joq, barlyq mäselelermen tyŋǧylyqty ainalystyŋ, senen talap etpesem de, ärbır şeneunıkpen bolǧan kezdesu jaiynda esep berıp otyrdyŋ. (Barlyq jazysqan hattarymyz ben äŋgımelerımız saqtauly).
Qarjylai kömekten bölek, sen maǧan jerge qatysty, odan ärı özge de sūraqtar boiynşa jügınıp otyrdyŋ. Men, tıptı, 2019 jyldyŋ basyna deiın senen qolymnan keler sarapşylyq kömegımdı aiamadym.
Al endı jauap berşı maǧan, 2 jylǧa juyq uaqyt boiy senıŋ otbasyŋdy asyrap, ūlyŋnyŋ oquyn tölep kelgen men emes pe?
Sen menen myna somalardy almadym dep aita alasyŋ ba:
24.06.2016 Mūhatardyŋ jūbaiy - Aigülge 43 500 AQŞ dollary tabystaldy.
Tabystau orny - Markova Popova.
11.07.2016 Mūhatardyŋ jūbaiy - Aigülge 43 600 AQŞ dollary tabystaldy.
Tabystau orny - Markova Popova.
24.02.2017 Mūhtar Taijannyŋ öz qolyna 50 000 AQŞ dol. tabystaldy.
29.05.2017 Mūhtar Taijannyŋ öz qolyna 50 000 AQŞ dol. tabystaldy.
27.07.2017 Mūhtar Taijannyŋ öz qolyna 50 000 AQŞ dol. tabystaldy.
Saǧan ekı jylda 332 100 AQŞ dollaryn bergen adammen taitalasasyŋ ba?
Votsaptaǧy ekeumızdıŋ aramyzdaǧy hattardyŋ skrinşottaryn joqqa şyǧarasyŋ ba?
Barlyǧyn nege sūraq formasynda qoiyp otyrmyn?
Sen maǧan jala japqanyŋ üşın sotqa beru arqyly bilıktegıler senı qasaqana paidalanyp, ony maǧan ılık etuı mümkındıgın tüsınbeidı dep oilaisyŋ ba? Senıkı müldem dūrys bolmai tūryp, maǧan qyr körsetu üşın saǧan kım dem berıp otyr? Mende bary tek votsaptaǧy jazysqan hattarymyz, sen jıbergen audiolar, saǧan jäne jūbaiyŋa aqşany jetkızıp bergen kısıler. Al bızdıŋ gumanistık sot būl aiǧaqtardy moiyndamauy mümkın. Tuǧan anaŋ men tuǧan bauyryŋmen, odan qala berse, piiaz ekken baiǧūs fermerlermen sottasqanyŋdy eskersek, senen bärın kütuge bolady. Elım üşın jaqsy ıs jasap, eŋ bolmasa, menıŋ kömegıme riza bolar dep, jaqsy adamǧa kömek körsetıp jürmın desem, kerısınşe, alǧysynyŋ ornyna sotqa tartylu qaupıne qalyp otyrmyn.
Raqmet saǧan, Mūhtar, būl maǧan 332 100 (237 100 + 95 000) AQŞ dollaryn jūmsap, qaitarymyna, alǧystyŋ ornyna özıŋe jau men köre almauşyny qalai tauyp aluǧa bolatynyn tüsınu üşın öte qymbat sabaq boldy.
Rasynda, men adam tanymaidy ekem, qatelıkter jıberudemın!
Sol kezde-aq özıme – «Saiasatpen» ūzaq jyldar boiy ainalysyp jürgen adam ne tūraqty jūmysy, ne biznesı bolmasa, qalai kün körıp jür?» degen sūraq qoiuym kerek edı.
Qoryta kele, testıŋnıŋ ekınşı – Jaŋaözen oqiǧalary kezınde men nemen ainalystym? degen sūraǧyŋa jauap bergım keledı.
Bırınşıden, men özımdı eşqaşan saiasatker atamadym. Men investor, qoǧam qairatkerı jäne saiahattauşymyn jäne men bilıkke ūmtylmaimyn. 2011 jyly, Jaŋaözendegı oqiǧalar kezınde, men Almatyda boldym, sotqa kündelıktı jūmysyma barǧandai baratynmyn jäne bır uaqytta qazaqstandyq jäne halyqaralyq sottarda özımdı qorǧaumen jürdım jäne mende eşqaida ketpeu turaly tılhat bolatyn. Sondyqtan, men ol jerde zaŋdy türde de, därejeme qarai da bola almaityn edım. Jäne de, men barlyq halyqaralyq sottarda öz kınäsızdıgımdı däleldep şyqtym, al Qazaqstanda ıstıŋ tapsyryspen qozǧalǧandyǧyna jäne tergeu tobynyŋ auqymdy jūmysyna qaramastan, menı tek 2 jylǧa şartty türde jauapqa tartty. Būl nenıŋ körsetkışı?
Qymbatty Mūhtar, men senıŋ barlyq sūraqtaryŋa jauap berıp, testıŋdı öttım dep oilaimyn. Endı sen menıŋ testımdı tapsyryp kör.
1. Öz otbasyŋdy nemen asyrap otyrǧanyŋdy ait? Tek biznesmen boldym degen ertegılerıŋnıŋ qajetı joq.
2. Saiasatpen ainalysa otyryp nenı täuekel ettıŋ? Bäske ne qoidyŋ? Men, tıptı, senıŋ qyzmetıŋ üşın ūstalǧanyŋ turaly estımeppın.
3. Būl elde sen ne qūrdyŋ nemese ne jasadyŋ?
Rasymen, halyq saiasatkerı bolǧyŋ kelse, eŋ äuelı, öz eŋbegıŋmen tapqan aqşaǧa ömır sürıp, soǧan qanaǧat etudı üiren.
Saiasat – būl Astanadaǧy kabinetterdı kezu emes. Şynaiy saiasat – būl, eŋ aldymen, jauapkerşılık, aramzalyq pen bäle ızdeuşılık emes.
Marǧūlan Seisembai
REDAKSİIаDAN: "Adyrna" ūlttyq portaly eşkımnıŋ de közqarasyn, ūstanymyn jaqtamaidy. Qarsy taraptyŋ jauabyn da jariialauǧa äzır.
