Qytaı Dúnıejúzilik densaýlyq saqtaý uıymyna qosymsha 30 mıllıon dollar bóledi. Bul týraly Habar 24 habarlaıdy.
Qomaqty qarjy koronavırýspen kúreske jáne damýshy memleketterdiń qoǵamdyq densaýlyq saqtaý júıesin qoldaýǵa jumsalady. Naýryzda ǵana qytaılar osy mekemege 20 mıllıon dollar bólgen edi. Jalpy ótken aptada AQSh prezıdenti Dúnıejúzilik densaýlyq saqtaý uıymyn qarjylandyrýdy toqtatatynyn málimdedi.
Donald Tramptyń aıtýynsha, mekeme koronavırýstyń órshýi kezinde jedel áreket etpegen. Aq úı basshysynyń bul sheshimi kóptegen saıasatker men BUU tarapynan qatań synǵa ushyrady.
Sebebi AQSh – Dúnıejúzilik densaýlyq saqtaý uıymynyń qoryna eń kóp qarjy quıatyn elderdiń biri.
