Tramp: Eger Qytaı indettiń taraýyna sanaly túrde jol bergen bolsa, saldaryn tartady

2444
Adyrna.kz Telegram

AQSh prezıdenti Donald Tramp eger Qytaı koronavırýs indetiniń taraýyna sanaly túrde jol bergen bolsa, saldaryn tartady dep málimdedi. Bul týraly Central Asian habarlady.

18 sáýirde Aq úıde ótken brıfıng kezinde Tramp AQSh koronavırýstyń qalaı taralǵanyn zertteıdi dedi. Onyń aıtýynsha, eger Qytaı kezdeısoq qatelik jibergen bolsa, ony kinálaýdyń qajeti joq. Al sanaly túrde jol bergeni anyqtalsa - "másele basqa" dedi. Tramp neni meńzegenin ashyq aıtpady.

"Indetti Qytaıdyń ózinde toqtatýǵa bolar edi, biraq olaı bolǵan joq, endi qazir búkil álem zardap shegip jatyr" dedi Tramp.

Koronavırýs juqtyrǵandar men vırýstan qaıtys bolǵandar sany jaǵynan AQSh álemde alda tur. Munda sońǵy málimet boıynsha, 715 myńnan astam adam COVID-19 aýrýyna shaldyqqan.

Tramp senbi kúngi brıfıng kezinde Qytaıdyń koronavırýs týraly resmı deregine senbeıtinin de jetkizdi. Qytaı bıligi koronavırýstan 4 myńnan astam adam qaıtys boldy dep málimdegen. AQSh-ta vırýstan qaza bolǵandar 40 myńǵa jýyqtady.

  • Birneshe kún buryn amerıkalyq Fox News arnasy arnaıy qyzmet ókilderindegi qupııa derekkózge súıene otyryp, koronavırýs ınfekııasy juqqan alǵashqy adam Ýhan qalasyndaǵy zerthanada jumys istegen, sol jerden vırýs álemge taraǵan dep habarlaǵan bolatyn.
  • Boljam boıynsha, Ýhandaǵy Qytaı ǵylym akademııasyna qarasty vırýsologııa ınstıtýtynd a istegen qyzmetkerge vırýs zerthanada jarqanattan juqqan. Máselemen tanys qupııa derekkózine súıengen telearna vırýs adamǵa syrtqy ortadan juqpaǵan degen tujyrymǵa dálel kóp ekenin aıtady.
  • Degenmen Fox News arnasy "vırýs jasandy túrde shyǵarylǵan jáne qasaqana túrde taratyldy" degen tujyrym jasamaıdy. Telearnanyń habarlaýynsha, AQSh bıligi vırýstyń paıda bolýyn muqııat zerttep jatyr.
  • Buǵan deıin Qytaıdyń syrtqy ister mınıstrliginiń ókili Chjao Lızıan koronavırýs jasandy túrde shyǵaryldy degen boljamǵa dálel joǵyn aıtqan.

CENTRAL ASIAN

Pikirler