Endi Halyqaralyq Túrki akademııasy shyǵarǵan kitaptardy onlaın rejımde erkin oqýǵa bolady. Akademııanyń resmı veb-saıtyndaǵy «Kitaptar» http://twesco.org/kitap bólimine júzden astam eńbek eshqandaı shekteýsiz ashyq oqýǵa ornalastyryldy. Aldaǵy ýaqytta qoljetimdi kitaptardyń qatary tolyqtyryla beretin bolady.
Onlaın kitaptar qazaq, túrik, ázerbaıjan, aǵylshyn, qyrǵyz, orys, mońǵol, sonymen qatar ózge de birneshe týys halyqtardyń tilinde jaryq kórgen.
Kitaptar túrki dúnıesiniń tamyryn tereńnen tartqan tarıhyn, mol ádebı murasyn, tarıhı-jazba eskertkishter men túrki tilderi boıynsha zertteýlerdi, túbi bir týys elderdiń etnografııasy, folklory men salt-dástúri týraly eńbekterdi qamtıdy.
Bul dúnıe júzinde kitaphanalar men mádenı oryndar ýaqytsha jabylyp, úıde oqshaýlanyp otyrǵan ár elindegi tanymal túrkologtar men osy salaǵa qyzyǵýshy mamandarǵa jańa zertteý eńbektermen kedergisiz tanysýyna beredi.
Sonymen qatar, veb-saıttyń «Jýrnaldar» bóliminen Akademııa shyǵaratyn ǵylymı-tanymdyq «GLOBAL-Turk», «Altaıstıka, túrkologııa, mońǵolıstıka» basylymdary men apta saıyn jarııalanatyn «Turkic Weekly» elektrondyq bıýlleteniniń barlyq sandarymen tanysýǵa múmkindik bar.
Aıta ketý kerek, Halyqaralyq Túrki akademııasy 2009 jylǵy Nahchyvan kelisimi negizinde qurylǵan. 2010 jyly Nur-Sultan qalasynda saltanatty túrde jumysyn bastady. Túrki halyqtarynyń ǵylym men bilim salasyn úılestiretin uıym 2014 jyly halyqaralyq mártebe aldy.
Bıyl Tuńǵysh prezıdenttiń tikeleı bastamasymen qurylǵan halyqaralyq Túrki akademııasyna 10 jyl tolady.
Nur-Cultan
