© Sputnik / Tımýr Batyrshın
Almatynyń halyqaralyq áýejaıy "Polshaǵa arnalǵan gýmanıtarlyq júk urlandy" degen boljamdy joqqa shyǵardy. Qytaıdan kelgen ushaq Almaty qalasynda eki ret janar-jaǵarmaı quıý úshin aıaldaǵan, dep habarlaıdy Sputnik Qazaqstan .
Ýkraınanyń "Mrııa" atty alyp ushaǵy Varshamaǵa medıınalyq júk jetkizgen. 12 sáýirde Qytaıǵa ushyp bara jatqanda Almaty áýejaıynda qonyp, janar-jaǵarmaı quıǵan. Al 14 sáýirde qaıtar jolda ekinshi ret aıaldaǵan. Sol kezde borttan ushaqty jetektegish quralyn shyǵaryp, turaqqa qoıǵan bolatyn.
Gýmanıtarlyq kómek Polshaǵa jetkennen keıin blogerler júktiń salmaǵyn salystyryp kórdi. Bas kezinde mınıstrlik Qytaıdan 400 tonna medıınalyq júk keledi degen. Alaıda ushaq kelgennen keıin gýmanıtarlyq kómektiń salmaǵy 96 tonna bolyp shyqty. Osydan keıin jeli qoldanýshylary qalǵan 150 tonna júktiń qaıda ketkenin suraı bastady. Ushaqtyń Almatyda eki ret aıaldaǵanyn da eske aldy.
Almatynyń áýejaıy tranzıttik turaq kezinde júkti túsirý múmkin emes ekenin málimdedi.
"Muny teorııalyq turǵyda jasaý múmkin emes. Sebebi ushaqtyń tumsyq jaǵyn ashqanda borttyń janynda áýejaıdyń tehnıkalyq qyzmetterinen bólek kedenshiler, shekarashylar men ekıpaj ókilderi de turady. Al ekıpaj komandırine júk úshin jeke jaýapkershilik júktelgen", - deıdi áýejaı mamandary.
Resmı málimetke sáıkes, barlyq turaqtar táýlik boıy beınebaqylaýǵa túsiriledi. Jazba bir aı saqtalady.
Áýejaı qyzmetkerleri gýmanıtarlyq júktiń salmaǵyn da túsindirdi.
"Polshaǵa medıınalyq quraldardyń, sonyń ishinde maskalar, kombınezondar jáne taǵy basqa zattardyń jetkizilgenin eskerý kerek. Ondaı júk kóp oryn alady, al salmaǵy az. Oǵan qosa, 400 tonna júk jetkizilýi tıis degen, al ushaqtyń júk kóterý kórsetkishi 250 tonna ǵana", - dep atap kórsetti mamandar.
Syrtqy ister mınıstrligi dıplomatııalyq arnalar arqyly Polsha tarapynan narazylyqtyń bolmaǵanyn habarlady.
